【《BB來了》踏入倒數階段 隨著BB成長 為人父母必須學懂放手】

話咁快人氣劇集《BB來了》就已經來到第十四集，據知劇集只有短短二十集，所以如無意外，下星期便是結局篇。雖然係咁，但哩套劇既共鳴位依舊集集都有幾個，繼「奶奶係婚姻最大嘅破壞者」後，噚晚就來到好多媽媽都難抵心痛嘅關口 - 小朋友學識爬、企、跌。

養兒一百歲，長憂九十九，對於自己嘅BB，當然最好係捧係手中，愛係心中，但隨著BB逐漸成長，識得翻身、爬行、學企、識慢慢走，媽媽面對每一個「創舉」都係既開心又心痛，開心在於小朋友真係長大，見到自己嘅寶貝跌倒、撞到、甚至因此而導致流血，真係心都赤一赤。

恬恬（李佳芯飾）同致廷（黎諾懿飾）嘅心肝寶貝允豬豬已有九個多月大，已經識爬識企，每日都有無窮無盡精力，搞到兩公婆都身心俱疲。

見到允豬豬每日成長，做媽媽嘅恬恬差唔多每樣事都跟到足，希望允豬豬可以無傷無損無痛咁學同面對任何事。

常言道：「孩子唔跌過唔知痛、唔識大」，既然係咁，爸爸媽媽們倒不如嘗試放手，讓孩子勇敢去創，當孩子跌倒了，受傷了，大喊或叫媽媽時，作為父母才再向孩子伸出援手，咁唔係會更好嗎？最重要係，可以畀孩子勇氣和膽量克服嘅機會，將來成長路上才會走得更好。

Text: Mami Editorial
Photo Source: TVB《BB來了》截圖