三姑六婆無最討厭只有更討厭 孕婦最唔想聽到5句安慰說話

大肚婆受荷爾蒙影響，情緒容易波動，變得超敏感又中意胡思亂想，當別人安慰時，大肚婆都會覺得係討厭嘅說話。

        1. 你都唔係肥好多啫！／你個肚好細喎，BB健康嗎？／妳只係水腫啦啫！

媽媽心諗：高矮肥瘦都唔關你事啦！ 肚細肚大，都係BB自由成長，每個BB都唔同。

2. 佗女啊！幾好啊！乖巧貼心！

媽媽心諗：咩社會啊！仲咁傳統重男輕女。你背後想講「生仔最好，不過女生也算唔錯啦」

3. 大肚婆最靚／妳大肚之後更靚！

媽媽心諗：超...假...！有咗之後身材變形、全身水腫、皮膚變差、氣色唔好，唔好講刻意安慰嘅說話！唔會覺得被鼓勵

4. 生完之後，妳一定會瘦返！

媽媽心諗：再強調一次，有關嘅身材說話，孕婦一啲都唔想知。你宜知講呢句啫係暗示我肥啊！

5. 你要開心一點，BB兒會健康！

媽媽心諗：我知...我知...大肚婆保持好心情，但你講完呢句我唔會開心啲。同埋我都有生氣、悲傷、焦慮嘅權利。

Text: Mami Editorial