【點解生咗BB之後 出街成日遲到？其實我哋都係逼不得已 希望大家明白】

唔知大家生完bb之後，有無發現約朋友出街，經常性都會遲到呢？哈哈，我自從生完之後，好多時約朋友出街，都預唔岩時間出門口，8成時間都係會遲到，唉！其實已經好盡力想早出門口，但永遠都係會遲，因為出門口總有好多野要搞！！

我放假多數都會帶埋bb出去玩，每次出去，都會會提早個半鐘整理，又要揀下自己著咩衫，又要化下妝，執下自己既手袋，已經無左半鐘。跟住就要執定bb出街要用既野，又要double check有無漏野。（如果想知達細出街要帶咩，可以睇返我之前篇分享：https://bit.ly/2mho2rL ）然後我就會餵定佢食奶，出街都餵完少餐，餵完又要幫佢換片、換返件出街既衫仔，搞搞下又成個鐘。

最慘既係有時出門個陣，佢竟然poopoo！！！！跟住又要由頭黎過⋯⋯換片、洗patpat，有時可能仲要換衫⋯⋯ (°ཀ°)

當你覺得完左屋企呢段挑戰就可以全速前進咁去目的地就錯喇！因為推bb既我地搭地鐵出去，係要不斷等lift、兜路。假日d旺區，d lift係會勁多人排隊，不論係有需要定正常人都會排，而地鐵d lift唔知點解好多都好細部同好慢，如果前面有人，真係等成5分鐘先上到去出閘位，出閘仲要再等lift出地面⋯⋯最記得係有次等lift，明明我都夠位入，而又寫住比有需要既人用先，結果d叔叔ssss唔排隊打尖之餘，仲唔讓比我入 (#`Д´)ﾉ 如果我要等多兩三班lift先有得入⋯⋯ 明明到左目的地都係要再遲多十分鐘(´ﾟдﾟ`)

因為推bb車實在太唔方便，所以我依加如果出去一陣間，我寧完孭住佢出去就算，起碼可以搭扶手電梯，出左閘都唔洗兜路行

唉，朋友們，其實我地真係唔想成日遲到，只係我地出門口，實在太多野要準備同處理，好多事都預計唔到，希望你地唔好介意亦明白我地多d啦( ´•̥̥̥ω•̥̥̥` )

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 90後P牌媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！