![爸媽放小朋友喺第1位 排自己喺最尾 衣食住行 全部永遠都係小朋友先](https://image.mamidaily.com/wp-content/uploads/2018/07/Mami-Articles-Cover-%E5%B0%8F%E6%9C%8B%E5%8F%8B%E6%8E%92%E7%AC%AC1%E4%BD%8D_02.jpg?auto=format&w=718)
爸媽放小朋友喺第1位 排自己喺最尾 衣食住行 全部永遠都係小朋友先
有咗小朋友之後,爸爸媽媽自己就咩都無所謂,最緊要小朋友健康同埋開心,就已經好心滿意足。大家有無留意到,你地嘅生活已經比小朋友全面顛覆?
衣
小朋友就季季換新裝,最型仔嘅爸爸同最靚靚嘅媽媽,自己嘅打扮都只會排喺第二。過時過節,小朋友就一定要準備新嘅衫褲鞋襪,而自己就有時間先睇下買唔買,比起做媽媽前,無所謂得多。
食
有小朋友嘅你,係咪經常包底,食餸頭餸尾?
因為大家想留最好嘅比小朋友食。等佢地食飽飽,或者食唔晒,先到大人執手尾,食啲凍晒嘅嘢。
住
屋企已經比小朋友嘅玩具霸佔晒大部份位置,梳化同地面佈滿玩具,而且仲有大大張BB飯櫈,同埋大大張地墊劃分左佢地嘅遊戲區。
行
週末同埋放長假嘅時候,去邊度玩,去邊度食,都係搵啱小朋友去嘅親子好去處。
衣食住行都被小朋友包圍,原因只有一個,因為每個小朋友都係爸爸媽媽嘅小寶貝~
Text: Mami Editorial