【親子好去處 3千呎地方任玩 同你介紹新蒲崗超夢幻PartyRoom】

平時我唔多帶QB去Playroom玩, 因為佢並唔係十分活躍既類型, 去過幾次都只會"死守"一個位置, 例如三小時只玩煮飯仔, 或波波池, 感覺有點浪費XD. 而且媽媽我亦唔係送佛送到西類型, 帶QB去玩, 都唔想自己呆等3小時, 最好個場同時有其他野吸引到我!

尋日朋友邀請下去了個新場, 最吸引媽的係有好靚既Backdrop可以拍出美照... 對不起, 我錯了重點XDD...但影到靚相, 真的好開心!

這個新場剛剛1/7先開始試業, 係位於新蒲崗工廈內的Unicorn Stage. 擺明是用來俘虜媽媽心的!

以夢幻獨角獸做主題, 粉色格調加上木質玩具和傢俬, 佔地3000呎, 最值得讚是室內很四正, 沒樑柱位, 也沒有過多和雜亂的佈置, 簡約寛敝, 一眼關七, 即使在遠遠還能觀察孩子的影蹤, 不怕走失, 岩晒我可以靜靜地坐在一旁的Hea媽.

QB已經接近三歲了, 過往去過一些Playroom, 有些只適合較小的BB玩, 她去到開始有點超齡了! Unicorn Stage雖然沒有長長的滑梯或大型波波池, 但有QB十分喜愛的吹氣彈床, 這個彈床城堡絕對可以放她一半電了....同時間可容納多人, 設計也安全, 我也很放心讓她自己在內彈個不停.

另一旁有的骰小巧的木造小木屋, 清新可喜. 木系的玩具份外有質感和格調~

雖沒有大型波波池, 還有個小型的, 內裡的波波都是夢幻粉色系, 襯晒獨角獸這主題.

波波池大有大玩, 細有細玩, 小朋友有得玩就是了, 一樣滿足.

夢幻波波池又是拍照的好場景, 可惜這天沒有帶長鏡幫QB影寫真..


這兩道木製彩虹步道, 十分可愛, 較小的BB也可以玩.

另外有幾隻小馬可以騎, 拍照一樣可愛呢~

還有一些小玩具給小朋友們自由發揮. 說到三歲電力無限, 個場夠晒大, 幾個小朋友一齊跑來跑去都係一種玩法, 已經樂透半天, 小朋友既世界真係好簡單又快樂! 而且鋪有地墊, 唔怕撞到或跌親.

動態的有, 文靜的也有. 在木屋前有一個Lego池, QB搖身一變已經係大姐姐了, 會教其他小朋友一起砌Lego了.

還有太空沙池, 文靜的QB最鐘情這個玩意, 這種太空沙好處是有點濕度, 不黏手, 即使掉到地上也容易清理. 小朋友可發揮創意砌出圖型, 而QB最喜歡當煮飯仔般不停炒"沙" , 哈哈..

心水清的朋友應該記得去年我親手做了一個獨角馬生日蛋糕給QB. 世上沒有真正獨角獸, 但小朋友的成長獨角獸無處不在, 神話中的獨角獸代表純潔, 靈性和高貴, 但願你的成長能如獨角獸般, 充滿獨特的可能性, 純真而堅定.

這裡最值得一讚的是同時兼顧小朋友和父母的喜好, 僻了一角為成人區, 有舒適的梳化, 座椅, 各式大人也岩玩的遊戲. 在這裡成包場開Party或生日會十分適合, 同時可滿足大人和小朋友啦.


等小朋友時也有很多娛樂, 絕對唔怕悶. 尤其爸爸們無需再擔心等到封塵, 或打機打到手機無電, 這裡有很多遊戲, 親子一齊玩又得, 跟朋友一齊玩又得.

作為一個愛拍照的媽媽, 還有一個會自動波擺pose的女兒, 我最喜歡當然是這裡超多影相位, 這幅玫瑰花牆超美的, 靚媽們作背景Selfie一番都一定可以呃到好多Like.

逆光跟七色窗廉拍出來的照片無懈可擊地唯美, QB情不自禁甫士多多.

真的很夢幻呢~ 大愛呀~ 店主說之後還會不定期舉辦一些親子工作坊或暑期班如芭蕾舞, 小型足球等, 相當有心思, 小朋友又多個玩樂好去處了.

影片分享~ 

包場收費：

30人以內/3小時 $3500，後加人數 $120/位

40人以內/3小時 $4500，後加人數 $120/位

50人以內/3小時，後加人數 $120/位

散客收費：

3歲以上及成人$120/3小時

3歲以下免費

Unicorn Stage

地址:新蒲崗彩虹道202-204號華懋工業大廈8樓A室
電話：55446337

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : QB媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！