媽媽心聲有誰願聽？身兼多職真太累 唔係自己做唔好，係妳太累！

做人媽媽不斷重複係餵奶、掃風、做家務、照顧家人。。。壓力超大！媽媽最容易出現既念頭：「自己做唔夠好，係一個好差既媽媽。」

1.別人放最好一面出黎，但妳只看到自己最差一面
網絡時代，大家都中意po相「晒仔囡」，將小朋友得意乖巧一面放出來。當你睇到後，就覺得「自己小朋友點解咁難照顧？」、「點解做到人地做到既野，係咪佢發展遲緩？」然而，只係你睇唔到人地既難處。

2.無人可以完美演譯多個角色
係公司要做女強人，係屋企又要好媽媽、好太太、好媳婦。一心多用，時間有限，點可能咩事都完美？唔好比自已太大壓力！

3.教養小朋友如跑馬拉松

教養就如跑馬拉松，走到累都要停一停喘息喝口水。盡力就好啦！如果你有幫手，唔洗休息都可正常，但如果你無幫手，唔係你唔識做人媽咪，而係你要降低做「超人媽媽」既念頭。

4.育兒無一本通用說明書，信自己

每個孩子特質各異，每日狀況都唔同，根本無一本通用說明書，只要慢慢練習、學習就可以搵到BB既需要，加油！

5.BB病、教唔好，唔完全係你既錯

周圍會有好多聲音，以自己從前育兒經驗，又或無生過小朋友既人比意見你。比意見還好，有些人重會有住指責既語氣，數你不是！意見岩唔岩，放過自己，聽下就好吧！

Text: Mami Editorial

Photo Source:Pinterest