【BB太細去主題樂園無野玩？非也！5個月大BB都可以玩足全日】

第一次去Disneyland ，就同自己講過下次再黎一定要帶埋自己個bb黎，估唔到近排就夢想成真。

去完之後一po相，好多朋友媽媽都問甘細個玩到既咩？其實我去之前做哂資料蒐集，好多遊戲其實都不限高度，基本上就係適合所有bb玩，但bb都係要坐得到最好，唔係比你玩都玩唔到，要打橫手抱既小寶寶玩起遊戲上黎的確有小小不便。

因為我個仔已經5個月大可以自己坐，所以去到玩左成日，開心到野都唔駛點食，連晏覺都無訓，因為太多野吸引佢。

首先講下出發前有咩要準備，我地用自己既bb車同帶左揹帶，如果唔帶bb車你可以去到Disney 租，$120 先到先得，但我地因爲車身大放野方便就用自己既好，揹帶係因為有時想抱bb睇巡遊或者佢扭抱果陣，你會發現全日落黎唔用揹帶你手都會斷。美國小鎮大街內設有嬰兒護理室，其他地方廁所內都有換尿片既地方。

其次仲要電風扇，大量毛巾，帽仔，搽防曬，可以飲水既bb 記得帶多d 水，仲要帶多1-2套衫替換，出哂汗又有時入下gift shop, 好易冷親。

出發前可以download定 Disneyland 個app，除咗睇到每個遊戲有冇高度限制之外，仲可以睇到需要等候嘅時間，重要嘅係要睇定唔同表演同埋巡遊嘅時間，例如迪士尼飛天巡遊，我個仔好鐘意既獅子王慶典，5個月大人仔自己企左半個鐘睇哂，仲有佢無乜興趣既迪士尼魔法書房。

或者佢未必記得去過玩既細節，但回憶同相片永遠都在，所以雖然有小小貴，但絕對好值得去！

我將整日既行情整左影片，真係由朝玩到晚，好多野都有去玩，好開心充實既一日。

https://www.facebook.com/ethan.renesmee.rabbitfamily/videos/1816379041757004/

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : Hebe

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！