四大長老湊孫錫到燶 唔想愛孫變害孫 爸媽同長老們事前溝通好重要

現今嘅香港為了生計，有唔少爸爸媽媽都會選擇外出工作，從而將小朋友交畀四大長老湊，既付合經濟效益又可以安心。

但由於唔少長老們都抱著「仔喺要嚟教，孫係要嚟縱㗎！」嘅心態，所以為免之後係照顧BB同育兒上逐漸失去主導權，再加上兩代對於照顧及管教孩子嘅睇法未必一致，爸媽必先要事前同長老們溝通好，避免孩子被縱出公主病／王子病。

長老們只掛住同孩子玩，並沒有好好管教孩子，可以點？

唔少爸媽認為長老們對小朋友無要求兼無底線，讓孩子想要乜就有乜，久而久之，孩子習慣後，當有日得唔到時，就會扭計不停扭喊，到時真係「最心痛是，教得太遲！」

為免出現哩個局面，爸媽可以預先同長老們解釋管教嘅原則，令長老們明白到「縱壞」之後難教嘅局，隨後再同長老們一齊訂立守則，增加大家嘅投入感同責任感。

當然，除咗要同長老們溝通好之外，作為爸媽放工後都要抽時間去陪陪孩子，唔好令孩子產生錯覺，誤以為爸媽只係返工放工唔理佢，放假時多帶孩子外出玩樂，增加多啲親子時光，孩子自然就會聽爸爸媽媽講。

Text: Mami Editorial