準爸爸陪產分娩成趨勢 但溝通更重要 調查：過半男士陪產後有心理壓力

有唔少嘅研究指，臨產媽分娩嗰陣，另一半能入產房陪產兼支持，既可以減低臨產媽嘅焦慮外，仲會令準爸爸對太太有同理心，感恩對方為自己付出，因而鼓勵準爸爸進產房陪產。但日本就有調查發現，男士看到太太分娩嘅畫面，有機會會導致心理造成不同程度嘅壓力，嚴重更可能會出現暫時性嘅勃起功能障礙。

女人辛辛苦苦十月懷胎，到分娩日當然希望另一半可以入產房，一齊迎接BB嘅來臨。但每個人所承受壓力嘅程度不一，日本有機構就此作出調查，結果顯示有近25%嘅男士認為無影響，而約22%則認為比以前更愛太太，但有約近36%-50%陪產過嘅男士認為親眼見到太太分娩後，確實係心理層面上有著唔同程度嘅壓力，嚴重者甚至有機會出現勃起功能障礙。

因男士看到太太疼痛又難受，容易產生後悔同內疚感，而回復同房時，大腦就會容易聯想到生仔、老婆又要再受苦等等畫面以及字句，心中所萌生的內疚感亦隨之浮現，從而影響到性能力，雖然哩種心理壓力只是暫時性，但亦都係最直接影響夫妻之間嘅關係。

所以，各位孕媽媽千萬不要只想到自己，也要為另一半著想，所以建議大家係分娩前要夫妻兩人一定要有充分嘅溝通，互相了解對方嘅意見，若然老公認為不能勝任陪產，孕媽千萬不要覺得對方不愛看己，又或者去勉強同埋怨，否則強行拉老公入產房，只會增加醫護人員嘅負擔。

Text: Mami Editorial