【計劃造人成功 幸好成個孕期算順利 分享懷孕期間嘅感受】

一年前, 發現自己經期遲左, 不嬲都算準既, 買左枝驗孕棒, 一早起身第一次小便就好驗la, 見到2條線, 呆一呆, 就即刻同老公講la.

其實我地係有計劃既, 試左2個月, 係有特登去計住排卵期去造人. 用坊間APPS去做紀錄好方面嫁其實.

跟住就去私家診所check la,其實佢都係用試紙, 主要係要佢封信去醫院約期同俾公司者.

跟住就去QE 約期, 其間我都有去私家診所照, 因為政府除左唐氏, 幾乎都唔會點照, 結構我都好好彩可以響政府照, 身邊好多媽媽朋友果間醫院都無提供呢個服務, 要出去照,最少都要2000幾蚊.

而且私家診所照完係會俾返照聲波相你, 但政府係一張都唔會俾.

好好彩我只係頭3個月內嘔左4,5次, 但頭4個月都係每日都好累,好想訓教,其間仲去左次大阪旅行,不過就唔食得魚生生冷野啦. 成個孕期其實都唔係特別好胃口, 咁就唯有轉揀多D 營養既食物去食啦.

成個懷孕過程都算好順利, 除左有一次懷疑食左貝殼類唔亁淨, 隔左2日噴射式咁嘔吐之外, 都無其他唔舒服.另外試過做2次胎監(係當入院咁收HKD195), 因為檢查果陣覺得BB 郁得少同心跳唔清楚, 政府好應該增加撥款去醫療, 果部心跳機好似收音機咁沙沙聲, 分分中嚇親好多準媽咪. 超聲波機畫面好細好濛, 出面私家診所部機效果係10分滿分既話, 政府果部個人覺得只有3分….

講返食錯野果次先, 第2日即刻去醫院,其實我應該開始嘔當晚就去急症室, 但又以為會自己好返同第2日公司有個會議想出席, 所以頂到第2朝再嘔先去, 因為已經係37週, 其實好驚會影響到個胎. 如果有媽媽知道唔係孕吐而嘔, 真係第一時間去醫院AR. 最後住左一晚醫院, 無事就返屋企休息了.

去到最後一個月都係話BB 臀部向下, 頭仔響上面, 所以就預約38週開刀了. 上網見到有人話可以以胎兒打嗝去睇BB 個頭響邊, 但對我黎講就唔準了,反而我一直都係覺得下腹子宮位胎動最多, 可能就係腳仔位,不過都真係因人而異, 要照或者俾醫生摸先係準,

黎緊會分享開刀過程, BB 跌磅唔出得院同出左院又入返院既經歷.

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : LQY BB

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！