【深宮計】遮住半邊臉引馬浚偉威脅胡定欣地位 千呼萬喚娜姐終於出場

TVB重頭劇《宮心計2深宮計》播到中段，今晚第18集千呼萬喚既娜姐(周秀娜)終於出場。

劇中娜姐飾演鄭純熙，係太平公主（陳煒飾）既外甥女，一出場就係同剛登基為帝既太子（馬浚偉飾）比試武功。

娜姐以一身俠女造型出場，臉上用面紗遮住半邊臉，揮劍指向馬仔，要馬仔用劍挑走面紗，更表示自己係即將要冊立的妃嬪。呢個出場真係驚艷！

而劇情講到，馬仔順利登上帝位後，而太子妃（胡定欣飾）亦順理成章成為皇后，但滑胎後唔能夠再生育，陳煒當面揭穿胡定欣未能為皇室開枝散葉，更私下安排冊立周秀娜做妃嬪。此外，皇上李龍基都只係表面讓位比馬浚偉，內裡依然掌握大權。

Text: Mami Editorial

Photo Source:周秀娜Chrissienana@微博、深宮計