張頴康再發愛妻宣言：希望下一世幫返你生BB！

張頴康同麥雅緻繼生下長女「小豆」之後，上星期又誕下第二名孩子「小花生」！懷孕期間愛妻號張頴康對老婆麥雅緻照料有加，更早已推掉一齊工作，預留時間陪伴老婆。一向喜愛高調放閃的張頴康，更在FACEBOOK上公開發表愛妻宣言，以示對老婆的感激之意！

適逢「小花生」出生一星期，張頴康於Facebook感謝含辛茹苦的麥雅緻為他產下孩子：「我一直希望擁有一個屬於自己嘅一家四口，我今日有喇！無論以後嘅日子點樣，我都會盡我能力保護我嘅家庭！多謝老婆用自己嘅身體完成咗我呢個願望！我老婆為我嘅付出，坦白講，我都唔知點還，點報答！希望下一世我可以做女人幫返你生BB啦！」

家庭合照雖然簡簡單單，沒有大師操刀，也沒有特別構圖，但張頴康卻表示：「睇返呢一個星期裡面影過嘅相，好鍾意呢兩張簡單嘅全家福！雖然唔係由攝影大師操刀，但係記錄咗我人生最重要嘅時刻！」

不少網民都大讚這位愛妻號懂得愛護妻兒：「現在唔係咁多男人懂得珍惜、愛護和感恩太太、子女和家庭的，你真是100分的好先生、好爸爸，好男人！」麥雅緻有一個如此愛錫她的老公，又有一對可愛精靈的子女，就算生活簡簡單單，都已經幸福無比啦！

Text: Mami Editorial
Photo Source: 張頴康 麥雅緻Facebook