【炎炎夏日 帶BB去游水消消暑 同你分享帶BB去游水有咩要留意】

夏天到啦～
我都帶左僑蛋去游水啦！
初為人母對於帶BB去游水既我真係好期待，
相信各位媽咪都有同一個諗法，
但帶小朋友去游水之前都有幾點係需要留意咖！

需要帶既野：
嬰兒防曬（記得要買防水）
嬰兒水泡（必須檢查沒有漏氣或破損，最好有雙重安全充氣）
泳衣
游水片（藥房，百貨公司都會有得賣，如果打算經常游既我會推薦用環保片，價比性高好多）
玩具（落水可能會好驚，用黎吸引佢注意力）
沖涼液（僑蛋係用二合一個種，市面上都有啲游水專用既沖涼紙巾）
毛巾（上水怕凍親）
毛巾2（沖涼用）
洗頭帽（如果無家庭房你又單拖既就有用）

游水注意事項：
安全！安全！安全！
一定要講3次真係好重要！我試過見到個小朋友真係媽咪睇少左兩眼就浸親！即使係小朋友池佢個小朋友都真係浸到好
似電視劇咁頭浸過哂過頭，得隻手係到揮手！千祈唔好因爲一時疏忽後悔一世！

最好揀日頭黎無咁易凍親。但亦要避開中午呢啲最大太陽既時間～

怕凍親既陰天都唔好游，啲水會比平日凍！

游前唔好食咁飽，但係都唔好唔食野呀！

最好搵爸爸一齊游...識行既都還好.好似僑蛋咁剩係識扶企幫佢沖涼係好高難度，唔好唔記得你自己都要沖！

公眾泳池係有家庭房（有啲係殘障房黎）裡面既沖涼間隔係唔同。佢個花灑係好似屋企個花灑一樣，除左可以拉出黎用，仲可以長開，對帶BB黎講係方便好多！

第一次落水可能會因為好驚而係咁喊..最好係淺水區抱住佢試下水先，無問題先上水泡！

游水期間帶得耐唔耐用水潑下個心口仔，得佢唔好凍親，個頭我自己都盡量唔會比佢濕水！

通常BB游完個晚都會好訓啲咖！如果走個陣BB未訓著既都可以比啲小食佢咖，我自己就會選擇比生果，健康得黎又補充到水份！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos :僑蛋媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！