新《美女廚房》無驚喜唔搞笑 搞笑高手農夫落場都無用

上一、二季的由鄭中基、方力申、梁漢文主持既《美女廚房》，男主持們被迫「上戰場」試食「地獄美食」。如果大家仲記得「火燒廚房」、「假㗎啲奶」、「尿味瀨尿蝦」，真係可以以用「集集新鮮，集集甘」黎形容。

黎到第三季《美女廚房》就改為Bob、蕭正楠及張振朗主持，仲邀請左農夫和洪永城擔任嘉賓評判，而參賽美女就有陳凱琳﹑龔嘉欣和黃心穎。開播左之後，觀眾大鬧無預想中的畫面出現，主持又唔識搞氣氛，睇完好失望。

農夫搶晒fo

呢啲綜藝節目好需要一班主持帶動氣氛，更要與嘉賓互動發放笑料，但Bob、蕭正楠及張振朗既表現完全唔收貨，欠缺綜藝感。蕭正楠及張振朗近乎存在感係零，無笑點之餘，話題不停重複，真係一個字悶！但好彩有擔任嘉賓既農夫不斷放笑蛋，例如試食黃心穎炸蝦球時，C君：「個蝦球食落似炸雞批」、試食陳凱琳煮炸蝦球，笑有家既感覺似先人、農夫又笑陳凱琳煮扁意粉只有「貶義」。

龔嘉欣成第一集「美女廚神」

《美》又唔係完全無睇頭既，今集邀請陳凱琳﹑龔嘉欣和黃心穎，最後得分最高既係嘉欣以100.5分，撼贏得71分的心穎以及70.5分的Grace。平時做戲好得既嘉欣，原來煮飯都好得～

Text: Mami Editorial

Photo Source:《美女廚房》