【周末親子好去處 有免費獨木舟坐 亞洲個首以花生漫畫為主題的戶外遊樂場】

今次介紹嘅免費好去處，唔係咩新地方。呢到其實已經興建咗好多年，不過和牛B都未真正去玩過。呢個免費好去處地點非常方便，亦係好旺嘅沙田市中心入面。

地點就喺正沙田新城市廣場三樓平台嘅露天平台區域，重點呢個主題遊戲區，係免費入場，仲有得免費搭獨木舟。

鍾意史諾比嘅你，又點會錯過呢個機會呢。

一推開商場玻璃門，就見到大大隻Snoopy啦~~

開放時間係上午11時至晚上7時，獨木舟開放時間係中午12時至晚上6時。

每一個角落，都會見到Snoopy。

廣場闊落，走動地方好大，仲有好多影相位。

小朋友必去嘅景點之一，黃色嘅校巴。

入面有安裝冷氣，所以有啲微風，唔會好焗。

仲有個軚盤俾小朋友玩，仲有櫈添。

超放電嘅兒童遊樂場

圍住行一圈，兩組遊戲設施加埋有3條滑梯，有一條係水管長滑梯，真係超長呀!!! 

Snoopy獨木舟

小朋友一定好想去玩嘅遊戲，記得好多年前係要喺商場消費先有得玩。原來而家免費都可以玩啦，不過要留意返場內嘅告示，孕婦、手抱嘅小朋友唔可以乘搭。而1.2米以下身高嘅小朋友，係需要一位家長陪同乘搭嘅。

我哋大概等咗30分鐘左右，終於可以上船啦!! 因為船係由水流推動，船身無任何摩打，所以有四艘獨木舟都依然需要較長等候時間。

我哋計過時，每節大概玩8-9分鐘左右。我覺得呢個活動，真心係爸爸同囡囡最浪漫嘅活動嚟。

呢條隊，比起我排o個陣還要多…免費活動，大家唯有俾啲耐性吧~

記得要定時飲適量嘅水，同埋避免長期曝曬呀。
仲要記得帶定風扇仔，同埋做好防蚊措施呀!! 

史諾比開心世界 x 沙田

開放時間: 11am - 7pm
免費入場

--------------------------------------------------

Text & Photos : 和牛媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！