【落雨放電】九龍區免費兒童遊戲室：近地鐵+圖書館＋保養日對照表

連日大雨，媽媽在屋企面對着電力無限的小朋友，相信已瀕臨崩潰邊緣！

其實，康文署遍佈全港 18 區的免費兒童遊戲室是極佳的避雨放電神仙地方！但你是不是也試過：

• 落雨推住 BB 車行左 15 分鐘，發現間遊戲室根本唔近地鐵站？
• 興致勃勃來到門口，才發現遊戲室清潔中，原來唔記得check定期保養日？
• 大熱地區場次全部滿額，帶住 BB 在走廊乾等一小時，BB 躁底等唔落去？

MamiDaily 編輯親身出發實測後深明呢3個慘況，決定要為全港媽媽陸續整理18區既對照表，今次先整理一份九龍區近地鐵+圖書館＋保養日既對照表，等媽媽們出九龍區前就做足準備！

#呢2點好重要

本來編輯以為遊戲室既主題同面積就可以定斷間遊戲室正唔正，但去左大角咀體育館同北河街體育館後，發現呢2點對媽媽來說先係真正既加分位：

1. 📚 滿分 10/10 秘訣：同棟大樓有「公共圖書館」！

康文署免費遊戲室每節限玩 45 分鐘，人多時必須排隊拿籌等下一場，而且孩子都要親身到場，冇得家長拎先。若有圖書館，就可以同小朋友睇住書等！

• 實測大角咀體育館：遊戲室樓下就是大角咀公共圖書館。拿完籌還有 45 分鐘才進場？直接帶 BB 落樓下兒童圖書館，坐在冷氣房舒舒服服看繪本，時間眨眼就過，係等位的滿分體驗！
• 實測北河街體育館：大樓沒有圖書館，如果遇上爆場，家長只能帶 BB 在市政大樓的大廊乾等，樓下街市都唔係好適合帶孩子去閒逛，除非孩子可一起陪你買菜！

2. 🚇 雨天出行生命線：地鐵站步行距離！
如果唔係住附近，媽媽帶住孩子行太遠都辛苦，建議考慮轉乘小巴或巴士。

• 實測北河街體育館：深水埗站C2 出口步行僅5分鐘直達，但沿路都車多人多。
• 實測大角咀體育館：雖然配套好，但從太子站走過去需步行近 15 分鐘，且途中很多燈位。

#油尖旺區、深水埗區、九龍城區

點我直接下載圖片

#黃大仙區、觀塘區

點我直接下載圖片

#康文署遊戲室「無痛放電」3大進場守則

康文署遊戲室「無痛放電」性價比極高，但因為各區場館的現場安排、派籌時間同每節長度都有少許差異，小編建議媽媽們出發前，記得留意以下守則，咁就最萬無一失喇：

•  大人細路必須穿襪： 這是最多家長不小心忽略的盲點！不論是小朋友還是陪同的家長，進入遊戲室範圍必須穿着乾淨襪子。如果現場沒有穿襪，工作人員是有權拒絕進場的，出門前記得塞幾對襪落媽咪包啊！

•  嚴格的年齡與身高限制： 康文署免費遊戲室專為 9歲以下 的兒童而設。現場通常亦設有身高量度器，上限一般為 142cm。另外，每節均有人數限制（熱門場館大約 48 人），平日建議提早 15 分鐘前來排隊攞籌；如果是週末假期、雨天或熱門新場，分分鐘要提早 30-45 分鐘到場排隊，先到先得。

• 善用「圖書館大樓」神級配套： 排隊拿完籌，距離正式進場通常有 15-30 分鐘的尷尬等候時間。這時候，小編清單中特別標記出來「同棟大樓有公共圖書館」的場館就大派用場！媽媽可以推 BB 車帶小朋友直接落樓下圖書館看繪本、吹冷氣等候，時間用得其所，BB 在進場前自然不會躁底！

📌 最後溫馨提示：由於各場館的清潔時段、定期保養日或即時人流安排均由康文署視乎現場情況調整，出發當日最穩陣一定要先瀏覽康文署兒童遊戲室官方網頁對清最新時間，那就絕對不會熟門釘啦！