【寶寶初學戒片 爸媽需有耐性 教小朋友同尿片講拜拜無難度】

戒片行動一個月了~成功戒片!夜晚都唔駛著住訓！

識同我講要痾尿,POOP就差少少啦~

我知道小朋友遲早會識的,所以冇急呀~哈哈，等小朋友語言表達同小肌肉發展好！

我小朋友2Y7M,最近2-3個鐘都冇濕片,天氣又開始熱!係時候戒片了~

首先要準備兩打底底！

要係小朋友鐘意既公仔

呀仔最愛Thomas

第一日一個朝早就換左一打⋯

如果佢賴濕咗我會同佢講：Thomas濕左好污糟！好唔開心，喊緊呀⋯

如果佢屙左落廁所我會講：Thomas好開心呀！好乾淨冇濕到！笑呀！Thomas多謝小朋友~

習慣左之後呀仔知道唔可以整污糟Thomas佢會喊！自己屙完之後會講：Thomas多謝小朋友！好乾淨啊！

跟住準備廁所仔！最好浄色冇公仔~

唔想俾佢當係玩具！最簡單嘅廁所款就0k！

之前有個放地下的！好似騎住坐嗰啲～佢當玩具玩⋯⋯

開頭一至兩個鐘叫佢去廁所，冇都要去企下坐下！等佢習慣廁所~

平常係屋企由佢賴⋯賴咗就同佢講頭先個堆野！不斷重複,要佢自己抹乾淨個地下，同洗乾淨啲褲~不過都要我執手尾嘅！咁樣可以俾佢學下責任感

開頭出街會着片，去到中段唔着由佢頼~

第三個禮拜，自己去之前識講要屙尿

平常隠到兩三個鐘去一次，飲咗水就一個鐘~POOP要再訓練下~次次到門口先識講

媽媽要有心理準備，要成日抹屎抺尿！

唔好嬲,唔好鬧小朋友！一陣佢哋怕左去廁所,佢哋好俾心機學緊㗎啦!耐性加油!

================

Text & Photos : 初初媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！