![【公屋】基層公務員老公考到主任位 妻不滿太上進 「小朋友唔使食?」](https://image.mamidaily.com/wp-content/uploads/2024/08/60d5691c.jpg?auto=format&w=718)
【公屋】基層公務員老公考到主任位 妻不滿太上進 「小朋友唔使食?」
如果是你,想要公屋還是想老公上進?近日一名人妻在網上呻,任職基層公務員的老公,突然表示考到主任職級,這個決定令一家失去排公屋的資格,而且老公實際收入更會減少。老公又表示想買樓,事主表示私樓管理費已是公屋月租,感嘆:「小朋友唔使食?」,直言現在才發現兩人價值觀有很大差異。
Photo from MamiDaily
排公務員隊等緊上公屋
事主在「香港討論區」發文,主題是「老公太上進唔認清現實,原來係壞事!」。她指與老公都是30多歲,育有一名2歲孩子。老公從事政府基層職位多年,她則做兼職工作,兩夫婦月入合共約3.5萬元,但租金已佔去收入近一半。他們現時「排公務員隊等緊上公屋」,估計未來1至2年有機會上樓。
Photo from MamiDaily
老公突然考到主任職級
未料有日老公在毫無預警下,跟她說已考到主任職級,由於事前未與她商量,讓她擔憂因此失去輪候公屋資格。事主說:「佢如果轉去做主任,無得排公屋,人工實際上仲要減。」此外,老公想買私樓,她擔心百上加斤,「成日話想買新樓,私樓管理費已經係公屋嘅月租,每個月供萬幾、2萬,小朋友唔使食?成日話頂薪高,升到尾都廿年後,住公屋慳返廿年租唔係仲好?」
Photo from 《無人之境》劇照
嘆老公太上進不認清現實
事主想勸老公放棄主任職級,但老公企硬,她無奈地說:「而家先發覺兩個人價值觀完全唔一樣,佢話佢要硬個offer。老公太上進唔認清現實,原來係壞事!」
帖文引來網民討論,有人支持事主,「啱呀,排公屋有著數」、「而家環境,如果計到好快攞到公屋,可以等之後再考過,到時計富戶資產鬆動好多」、「長遠目標嚟講住公屋有so啲,我都好後悔無上公屋先再發奮,現實係點上進都好都係買唔起樓」、「痴線!梗係上公屋先啦!升職加人工加幾多,夠唔夠供樓?」、「梗係攞公屋先,宜家樓市爆煲,唔知跌到幾時」。
Photo from MamiDaily
網民指事主格局低
另一方面,有更多人批評事主,格局低,視野就窄,不會去諗「上進啲、搵多啲、住好啲」,「有冇人可以話到畀個女人聽:目光唔好咁短淺」、「有個短視既老婆真係命苦」、「成世只想向下流,排公屋視為人生目標」、「有上進老公唔係好事咩???」、「升到職真係機會難逢,不如轉買居屋好過」。
有網民指出:「老婆只係比較精打細算,都無錯嘅~不過我嘅諗法係,男人上進嘅動力,好睇老婆點支持~其實老公升職,會令佢增加自信,同埋有動力去再提升,增加收入,長遠都唔係壞事~兩公婆要好好傾下~」,有人勸:「其實只要頭幾年吃少少苦,之後人工追返後,就問題不大,申請唔到公屋,但可以申請房屋津貼」。
延伸閱讀:
延伸閱讀:
Text:Mami Editorial
Source:香港討論區