【暑假好去處！】全港最大型的室內運動遊樂場 三大暑期夏令營 揮灑汗水 培養多元興趣！

天氣咁熱，有時想帶小朋友周圍放電都有啲卻步！有無諗過做運動其實唔局限喺户外，可以涼住冷氣揮灑汗水！全港最大型的室內運動遊樂場Super Sports Park 推出三大夏令營，讓小朋友喺暑假學習新技能，培養多元興趣，仲有暑假期間限定音樂盛會！

位於奧運銀海坊嘅 Super Sports Park 佔地超過 50,000 平方呎，空間夠晒大，啱晒小朋友放電！場內有各種各樣多元化嘅遊樂設施，包括小朋友必定鍾意嘅彩色波波池；刺激好玩仲可以挑戰極限嘅空中滑索、車軚滑梯、滑板同埋滾軸溜冰。

仲有以運動為主題嘅彈珠足球場、保齡球、勁力投射籃球場等，可以同埋其他小朋友一齊玩，認識新朋友仔！加上結合科技同創新的 IWall 體感遊戲機及 Multiball 球類遊戲，考驗小朋友手眼協調，玩樂同時訓練肌力同反應力！

今個暑假 Super Sports Park 特別為各位 4 至 12 歲嘅小朋友度身訂造三個暑期夏令營，讓小朋友接觸新運動之如，仲可以培養小朋友對於各種運動嘅多元興趣，同時發展新技能！

1. 躍動夏令營（Multi-Sports）

一連五天進行多項運動訓練，配合工作坊，鍛鍊小朋友意志、團隊合作及創意思維。運動訓練包括：滾軸溜冰、滑板、彈床、攀登運動及團體遊戲，有助發掘小朋友興趣及愛好！

2. 極限夏令營（滾軸溜冰）

一連五天進行滾軸溜冰特訓，由專業滾軸溜冰導師指導，協助小朋友掌握基礎動作，訓練肌肉能力及平衡力。從中讓小朋友學習勇於嘗試、堅毅不屈的精神。

3. 極限夏令營（滑板）

一連五天進行滑板特訓，由專業滑板導師指導基本滑板操控，鍛鍊小朋友肌肉發展及整體協調力。希望建立小朋友的自信及恆心！

夏令營由即日起至 8 月 23 日，逢星期一至五，早上或下午 3 小時，每個課程歷時五天，小朋友完成課程後將獲得證書，現已接受報名！ 

除咗配備多元遊樂設施之外，Super Sports Park 亦會舉辦不同多元項目，包括開放舞台做音樂表演，誠邀充滿表演慾的嘉賓演出！同小朋友盡情玩樂之後，不妨都聽埋本地音樂，一家大細過一個充實週末！

【Super Sports Park】

地址：大角咀海輝道18號銀海坊 G03及05
交通方式：奧運地鐵站 A2出口 步行約5分鐘

開放時間及收費︰
早上時段 10:00 - 13:00：平日$200/ 週末及公眾假期$250
中午時段 13:30 - 17:30：平日$240/ 週末及公眾假期$280
晚上時段 18:00 - 21:00：平日$180/ 週末及公眾假期$200

預訂網址：https://www.supersportspark.com/

注意事項：

- 4歲以下小童可免費入場，請留意場內部份設施設有身高限制；
- 9歲以下小童須由成人陪同入場，成人亦須購買門票；
- 每位成人僅可陪同2位小童，以便看管及照顧。

所有入場人士進入遊樂區域均需穿著由Super Sports Park提供之防滑襪（$30/雙），可於入場當日購買，並留待日後重用。