【親子好去處】即興港式文化之旅！熱爆打卡佈置 大嘆經典小食 締造親子難忘回憶！

夏日炎炎唔知同小朋友去邊到好？除咗各種户外活動，不妨帶小朋友認識香港，以嶄新嘅文化角度探索香港唔同面貌！

今個夏日，天際 100 舉辦「3 點 3 下午茶–港景、港味道」 主題活動，穿梭海拔 393 米高空觀賞壯麗嘅天際線，體驗獨特嘅港式下午茶文化，仲有熱爆港式經典主題打卡佈置同人氣小食，即刻同小朋友一齊嚟一場即興嘅港式文化之旅！

觀景台特設 5 大熱爆港式經典主題打卡佈置，糅合香港文化同人氣小食元素，展現傳統冰室、 閃耀霓虹燈同具有歷史建築嘅果欄等特色街景，喺 360 度無遮擋壯麗景致襯托下，拍攝出港式風情嘅相片，締造難忘回憶！

即睇 5 大特色打卡位：

1. 鐘樓時光角

鐘樓作為其中一個香港標誌性建築，古典復興建築風格別具特色，可以話係帶小朋友認識香港嘅必到之處。古典風格嘅鐘樓打卡造型凳，輕鬆影出充滿「港風」的卡靚相！鐘樓嘅時鐘指向 3 點 15 分，仲呼應返港式下午茶文化！ 

2. 天際冰室

微縮版經典港式冰室，加上耀眼奪目嘅霓虹燈牌，模擬冰室招牌，復古嘅綠白相間馬賽克瓷磚，原汁原味呈現港人最愛嘅下午茶文化！

3. 巨果樂園

油麻地水果批發市場有過百年歷史，非常有代表性！而夏日水果做主題，有巨大化甘蔗汁裝飾，仲有水果之王巨型榴蓮，濃郁香甜、外脆內軟嘅果肉躍於眼前，打卡之餘仲可以 體驗水果批發市場嘅熱鬧氛圍。 

4. 沙灘快閃站

香港嘅沙灘一向出名水清沙幼、風景宜人，係享受日光浴同進行各種水上運動嘅好去處！當然唔少得具香港情懷嘅特色雪糕車，展開清涼夏日！ 

5. 無重力未來鞦韆椅

以傳統小食結合高科技，用雞蛋仔形狀設計鞦韆座椅，襯托底部電子熒幕，投影環球貿易廣場下哏風景，沉浸式體驗在海拔 393 米高空中蕩鞦韆的真實感！無論大小朋友，都可以享受同天空最接近嘅距離，重拾童真。 

仲有由本地藝術家聯乘創作吉祥物（兄妹版）NOAH ＆ MOMO，得意造型，小朋友必定鍾意！

打完卡唔好錯過特色下午茶！天際 100 聯乘與港式懷舊老字號合作，包括「甄沾記」、「公利真料竹蔗水」等喺「三點三」嘅下午茶時段，有特色車仔檔提供香港經典小食同飲品；仲有最具香港特色嘅「金茶王」港式奶茶，感受濃厚嘅香港情懷！

「甄沾記」仙椰汁、椰子糖
日期: 7 月 27 日、8 月 3 日、8 月 10 日、8 月 17 日
時間: 下午 3 時至 5 時 

「公利真料竹蔗水、蔗汁糕」
日期: 7 月 28 日、8 月 4 日、8 月 11 日、8 月 18 日
時間: 下午 3 時至 5 時

「金茶王」港式奶茶
日期: 7 月 19 日、8 月 24 日
時間: 下午 3 時至 5 時 

除咗經典小食，更加唔可以錯過由 Café  100 by The Ritz-Carlton, Hong Kong 推出嘅全新本地特色下午茶餐同芭菲雪糕，為炎炎夏日帶來涼滲滲感覺。

Café 100 坐擁觀景台西面嘅廣闊海景，一邊享受美食，一邊可以飽覽一望無際嘅海景，絕對係一場味覺同視覺嘅盛宴。特別推出「港式經典」下午茶餐，包括 3 款地道美食 —— 美味彈牙嘅魚 蛋、色澤金黃、口感豐富嘅蛋撻同埋生津解渴消暑必備嘅蔗汁；加埋新鮮烤製嘅熱辣辣「雞蛋仔」外脆內軟，散發住濃郁蛋香，非常滿足！  仲有以奧運五環為靈感嘅「五環洋蔥圈」，組合五種唔同顏色嘅洋蔥圈，惹味鬆脆，一試難忘！

快啲 Bookmark 定以下詳情，一家大細一齊嚟體驗香港文化同地道下午茶啦！

天際 100「3 點 3 下午茶– 港景、港味道」詳情*： 

日期：即日起至 9 月 3 日
時間：每日上午 10 時至晚上 8 時 30 分 
地點：香港九龍站環球貿易廣場100樓天際100香港觀景台 
門票價錢：

本地訪客網上購票享 55 折優惠 —— 成人港幣108元、小童或長者港幣75元 

官方網站：https://sky100.com.hk
查詢電話：852 - 2613 3888 （上午10時至下午6時） 

*天際 100 的開放時間或會不時更改，建議親臨前瀏覽天際 100 官方網站查看有關細則及開放時間。以上套票須受有關條款及細則約束，詳情請參閱天際 100 香港觀景台官方網站:  www.sky100.com.hk。