【初生B大部份嘅時間係瞓覺 BB床好重要 話你知點樣揀床品有咩要注意】

BB一日最多既時間就係訓教，有成十幾個鐘都會係BB床，所以一張舒適又安全既BB床同床上用品真係唔可以馬虎咁去揀。為免大家同我一樣浪費錢同時間去揀好既床，所以大家介紹下我用緊既新床上用品啦！見到個陣，真係比佢既圖案深深吸引住！就係minimoto小米米床品系列新出既床圍，係Mini花園系列既床上用品，粉紅色岩晒bb女用。

點解我會揀minimoto 床品系列, 係因為d布料係40支針織雙面全棉1008針，咁多支針織係會令個觸感更加柔軟舒適，仲會好透氣。而佢地都無加瑩光劑，洗左幾次都無起毛粒，唔會刺激到bb既呼吸。而且佢地張被仔好厚實，就算唔套返冷氣被都會好暖！

床圍方面，一開始自己都唔明點解d床圍都要賣到咁貴，所以自己貪平買左一套，但洗左兩次之後，張被都係有陣好膠好奇怪既味，為左bb著想，真係唔敢用。諗深一層，bb成日都訓係張床到，床圍、被單個d都真係唔好貪平！

一套好既床圍，大家要留意以下呢幾樣野。首先要揀返純棉既質地，因為bb皮膚比較幼嫩，太吉肉會令整傷佢地架！而且，如果有加瑩光劑既布料，會令bb皮膚好易敏感同紅。

而枕頭方面，初生BB一般都唔需要咁快用，但因為我都會怕啊B訓扁頭，所以都會揀返中下部份有凹位設計既枕頭，可以墊高返少少個頭仔，但又唔會太高影響bb既呼吸！

雖然一套床圍都差唔多一千蚊，但一套好既床圍可以用到好耐，去到兩、三歲都無問題。之前貪平個套，都要成400蚊，諗返起真係蠢左⋯⋯

最後俾d tips大家:一張安全既BB床除左要穩陣之外，床欄既距離都係唔可以忽視，一般都唔可以超過6cm，太闊既話，BB伸手伸腳個陣就會Kick住左。床褥方面，亦唔適合用彈弓床褥，因為BB骨骼係未完全發育，太軟林林會影響佢既腰骨架！

如果怕bb漏尿，除左可以用尿墊之外，我有個慳錢身秘訣比大家，就係剪開bb紙尿片個袋，鋪係床單下面，當漏尿個陣，都會有層防水物料墊住，唔會整污穢整褥。

另一個款minimoto 床品系列係印有運動類既圖案，岩晒bb仔用！

一套舒服、安全既床上用品先會令bb健健康康咁長大，minimoto 床品系列就令bb訓得安心又安全, 所以各位媽媽都要小心d去揀啊！

YouTube 有更加詳細既介紹架！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 90後P牌媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！