【發掘潛能 坐言起行 ！】左右腦均衡發展 創意理智兼備！如何訓練全腦型孩子？

對小朋友嚟講，全腦潛能開發唔單止可以提升創意、理智兼備嘅能力，仲可以激發更多潛在嘅才能！事實上，大腦嘅發展並唔係完全由先天遺傳決定，透過後天嘅訓練亦都可以再強化。

家長們可以點樣訓練全腦型孩子？喺小朋友嘅大腦定型之前，有好多有趣又簡單嘅方法可以誘導佢哋各種能力。另外，除咗喺體格上有所成長，家長喺小朋友嘅整個成長階段亦可以多陪伴、多溝通，培育佢哋嘅身心全面發展，360度滋養成長、發揮潛能、發光發亮！

左右腦均衡發展對於小朋友嘅綜合能力提升至關重要。通過多樣嘅遊戲同活動，可以令小朋友喺玩樂中不斷成長學習，激發佢哋嘅潛能，讓創意同理性思考雙軌發展！

1. 配對遊戲

簡單好玩而且非常有效！透過唔同形狀、顏色或圖案嘅卡片，讓小朋友搵出相同嘅一對，唔單止可以訓練佢哋嘅記憶力同觀察力，同時可以刺激右腦嘅感知功能。另外，喺遊戲卡片上加上「大電視」之類嘅遊戲方式 ，俾小朋友嘗試描述見到嘅圖案同物件，可以喺好玩嘅過程中增進小朋友嘅語言表達同邏輯思考能力。

2. 動手玩泥膠或黏土

手工創作嘅遊戲對於小朋友可以話係樂趣無窮，透過使用唔同嘅材料捏出各種形狀同物品，可以鍛煉小朋友嘅手眼協調、創造力同空間感；喺思考點樣將自己嘅想法實踐出嚟嘅過程中，可以促進左腦嘅分析能力。

3. 仰望天空

一個意想唔到但極其有效嘅訓練方式，從引導小朋友觀察雲朵嘅形狀同變化，或者尋找星星嘅位置，都可以幫助佢哋培養想像力、專注力同埋觀察力。同時，呢種戶外活動可以俾小朋友感受大自然嘅美好，豐富佢哋嘅內心世界。

但唔好忘記，除咗腦部發展，心智上嘅滋養都好重要，就好似栽培花草咁，係一個全面嘅培育過程，不妨以「3G」原則作為培育孩子嘅自我提醒：GROW（成長）、GLOW（發亮）、GO（實踐），為小朋友創造良好嘅成長環境，提供多元化嘅教育同啟蒙，等小朋友可以喺多元且演變嘅世界中，啟發無限潛能！

而家就有機會畀你同小朋友一齊體驗，香港賽馬會慈善信託基金於7月17日至7月23日舉辦嘅香港書展2024設有大型展覽攤位，以「Together We Grow, Glow, Go!」為主題，設有多個精彩互動遊戲、打卡位及豐富限量版禮物，立即帶小朋友嚟動手動腦齊探索啦！

香港書展2024 「香港賽馬會慈善信託基金」展覽攤位
日期：2024年7月17 - 23日
地址：香港灣仔博覽道一號香港會議展覽中心 3E廳大堂