【生仔】32歲中產港男不想結婚 打算用100萬找代母產子 網反對:養小朋友唔係單一講錢

是否結婚生子是個人選擇，無論中西方社會，愈來愈多年輕人計劃不結婚、透過醫療科技生孩子，組成單親家庭。本地一名32歲中產港男，月入12萬元，家庭環境不錯，覺得自己沒能力照顧伴侶，打算花100萬元去請代母生BB，上網詢問網民意見。

Photo from MamiDaily

港男月入12萬元

32歲的事主在討論區Dcard發帖：「準備獨自養大小朋友」，他出身良好，由小學到中學讀傳統男校，現時任職法律行業，除了父母外，還有一名年輕11年、正在外國讀書的弟弟，事主指「每個月我都會將自己1/4嘅收入比屋企人（兩萬蚊俾父母，一萬蚊俾細佬）」，估計他月入至少12萬元。如果計上父母的收入，全家收入達30萬元，非常優渥。

Photo from MamiDaily

對拍拖花錢很計較

他身邊的好兄弟依然單身A0，事主和父母都喜歡小朋友，但他個人不想拍拖或結婚。因他認為「現今呢個主倡『高嫁』嘅社會，我冇咁嘅能力亦都唔想去投入任何一段關係」。前一兩年，他試過用交友app結識另一半出去拍拖，但覺得拍拖成本太高，他說：「食一餐午餐，就已經用咗我250蚊，記得嗰日唔開心咗幾個鐘，我知我真係好孤寒。」事主只捨得在家人身上使錢，平日最大興趣是旅行，只係「對於拍拖我真係一蚊都好計較」。

Photo from MamiDaily

想花100萬找代母產子

既然對拍拖結婚沒太大想法，因此事主準備了100萬元，打算去美國搵代母幫他生小朋友。「工作雖然繁忙，但係算係工作穩定同埋收入夠用。」住宅差不多供完，父母過多幾年會退休，屋中有聘用外傭，所以父母可幫手照顧孩子。事主問：「另外有220萬現金+50儲蓄基金，請問各位覺得我而家有足夠能力養起一個小朋友未？」

Photo from MamiDaily

有否能力照顧小孩不是單講錢

帖文出現後，雖然有部份網民贊成事主的想法，但更多人覺得生孩子不是只看金錢。「到底有冇能力照顧小朋友，財力只係一部分，就算錢唔係問題，你育兒嘅方式同態度，仲有可以投入嘅時間，同埋你做父母嘅能力，都係好重要嘅問題」、「唔評論錢唔錢問題，一個小朋友成長唔係單論錢，如果你想小朋友身心健康成長，父母有幾多有質量既陪伴同愛俾小朋友都好重要，好多野唔係有工人姐姐或者爺爺嫲嫲（隔代教養）做到。如果只有父親，你就要父兼母職，個重擔唔係單純用錢解決到」、「剩係睇錢都唔夠啦，養一個小朋友閒閒地都4球，而且得你一個，萬一你中年失業呢？加上你有時間照顧小朋友咩，唔係請個工人就算，已經無母愛，就需要更多更多嘅父愛。你真係ready先好！」。更有人直言，事主只係想要個後代，而不是想盡爸爸的責任。

另一方面，有網民勸事主順其自然，現時只是沒有遇到合適的人，更有人建議：「其實會唔會試下養寵物先…」。

延伸閱讀：

【BB改名】爺爺為孫女改氣質名字「紫懿」　新抱怒拒：不想想自己姓什麼？

延伸閱讀：

【四大長老】只想放狗拒絕湊孫遭家人群起指責　外婆崩潰：我太自私嗎？

Text：Mami Editorial

Source：Dcard