【頭風】梁諾妍坐月入風頭痛到喊古方祛頭風紓緩中醫：古法有根據最好加XX

By Dara on 20 Apr 2024

Deputy Managing Editor

當自己成為父母，才明白父母的喜怒哀樂，以及無私的愛！

藝人洪永城太太梁諾妍（Inez）在上個月中，喜迎第二名女兒，「sirface 2.0」取名 Beryl。正在坐月的Inez，疑因睡覺時出汗，頭部入風吹親，因而有「頭風」，痛得她哭起來。幸而朋友提供祛頭風古方，按完後不再頭痛。Inez大方分享了方法，註冊中醫羅佩雯博士認為這種古法有一定根據，如想效果更好，最好加多兩種藥材使用。

Photo from inez_leong@IG

一家五口十分幸福

2021年梁諾妍與洪永城奉女成婚，誕下大女Amber（洪靖嵐），由於囡囡與爸爸撞樣，因而有「Sirface」這個匿稱。去年夫妻宣布再添丁喜訊，二胎寶寶便戲稱為「Sirface 2.0」。今年三月，Inez在港安醫院誕下二女，取名Beryl，連同家中金毛尋回犬「大家姐」Molly，一家五口樂也融融。Inez大讚二女「好好湊」：「好食得好瞓得好屙得，又好硬淨，應該係喺我個肚入面已經練到一雙有力的腿，媽媽真係好安慰。」

Photo from inez_leong@IG

坐月惹頭風痛到喊

正在坐月的Inez，在社交網頁自爆不小心頭部「吹親」，產生頭風，十分痛苦。她說：「生完呀妹後啲汗日日係咁流，可能因為瞓覺時都流晒汗流到個頭濕咗，然後吹親，個頭入咗風，痛足幾日要喊出嚟，止痛藥都幫唔到手。」幸而朋友得知後，告訴Inez有古方可以驅頭風，梁媽媽立即買齊材料幫愛女試試，服務細心，難怪Inez說：有媽的孩子是個寶！

Photo from inez_leong@IG

按摩後不再頭痛

從影片可見，梁媽媽拿着毛巾包裹着材料，幫愛女從額頭、面頰輕輕拭抹，最神奇的是，真的治好她的頭風。「試咗，真係咁神奇，真係按完個頭再冇發發聲」，數日後她再留言：「汗終於冇繼續流，個頭都已經完全唔痛太好了」，她特別感謝梁媽媽幫她祛風。

有不少媽媽都受頭風困擾，紛紛查詢方法，Inez說：「由於海量嘅留言太亂，真係覆唔晒，我要hide咗個留言功能啦！大家想知古方請自行inbox pm我！！」小編嘗試inbox，很快便獲得Inez回覆。

Photo from inez_leong@IG

Photo from inez_leong@IG 影片截圖

生產耗散氣血容易受涼

根據Inez的回覆，祛頭風的古方並不複雜，「用粗鹽同茶辣 1:1份量，炒熱佢用毛巾包住按落個頭度，驅風唔錯！茶辣藥材舖就有得買，希望幫到你啦！」

為此小編特別邀請註冊中醫羅佩雯博士，為大家講解有關頭風的問題，以及Inez的古方是否可行。羅博士首先解答了坐月婦女為何有頭風，她說：「女士生產之時由於耗散氣血過多，引起體表毛孔疏鬆，較容易受到外來寒氣及濕冷的入侵。如果因出汗弄濕了頭髮，或洗頭後未有及時吹乾，濕漉漉的頭髮會令頭部更容易受涼，俗稱為入頭風。」