【讓座爭議】母女搭港鐵不滿無人讓座　暗諷乘客：老師冇教要讓座俾小朋友？

By ashly.eng on 28 Mar 2024

Digital Editor

讓座是美德，是責任，還是道德綁架？而讓座的標準和對象又究竟由誰講了算？日前有乘客就在網絡發文，分享自己乘搭港鐵時被一對母女暗諷不讓座的經歷，更搬出學校老師嘲諷他，讓他相當鬱悶，好奇其他人是否會讓座給小朋友。

Photo from MamiDaily

母女搭港鐵不滿無人讓座

日前，事主於討論區Dcard以「究竟係咪一定要讓座？」為題發帖，表示自己乘搭港鐵由起點站直達終點站，於是見到有空位就坐下。中途，一名母親帶著女童上車，站在事主面前。不久後，事主就聽到女童開口詢問母親：「點解啲人唔讓座俾小朋友？」母親隨即回答：「係囉，點解啲人唔讓座俾小朋友，都唔係老人家。」兩人有問有答，最後母親和女兒說：「學校老師有冇教要讓座俾小朋友？」

Photo from MamiDaily

乘客遭暗諷：老師冇教要讓座俾小朋友

事主知道母女的對話是有意「俾說話人聽」，不解他們為何不直接開口詢問乘客讓座。當下被暗諷讓他感到相當憤怒，一度想開口大罵，奈何考慮到對小朋友帶來不良影響而作罷，最後只好以牙還牙，用錄音向朋友投訴的方式，暗諷回母女，「我有喺佢面前錄音同我個friend講話車上面有人逼人讓座，呢個老母鍾意比說話人聽，我咪同佢一樣比翻說話佢聽」。

事主補充，母女在兩站後下車，更讓他無法理解兩人的行為，「你小朋友企兩個站係咪都企唔到？」因此好奇大家是否會讓座給小朋友，「我平時都會讓俾老人家，但究竟有冇義務讓俾小朋友呢？」

Photo from 《愛回家之開心速遞》劇照

網民支持不讓座予小朋友

對此，網民就為事主撐腰，表示不會讓座給精力充沛的小朋友，而且還是沒禮貌的小朋友，「我學校就真係冇教過要讓小朋友嘅，一向都係讓俾有需要嘅人，點解小朋友就一定要讓，呢d冇禮貌嘅更加唔會讓」、「咁好精力係度玩係度噪企下唔得？又唔係病又唔係攰到企唔到」、「個樣討喜嘅小朋友，佢唔出聲可能我都已經讓咗畀佢」。

其實「讓座」向來是引起爭議的課題，不少網民都有相似不愉快經歷，因此總結出一些個人心得，分享給事主，「我都有類似經驗，從此坐公共交通都會戴降噪耳機+音量調大啲」、「除非見到個人企都企得唔穩，否則一概不讓」、「以前我成日讓座，後尾發現有部分人就係特登走到你面前，然後開始扮嘢，所以我每次有人上車即刻扮瞓緊」。