【大吉利是】拆利是發現有親戚入X元感尷尬！糾結應否告知對方

剛剛過去的農曆新年假期，相信大家都有去拜年、逗利是，雖然利是錢講求心意和祝福，但一個不小心派錯，場面會很尷尬。一位網友分享指，自己近日拆利是時，發現一位親戚派的利是沒有入錢，令他感到尷尬，並糾結應否告知對方。

Photo from 《愛回家之開心速遞》劇照

收冇入錢利是封

日前（19日），一位網友於討論區表示：「好尷尬，拆開利是發現入面無錢...」，他指，自己終於拜完年，便打算趁有空拆利是，數一數自己收到多少錢，怎料，拆到其中一封時，發現入面是空的，沒有放錢，令事主非常震驚。

Photo from 《愛回家之開心速遞》劇照

事主描述：「因為個利是封唔係平時果啲區議員派嘅利是封，係好靚果隻利是封，所以一睇就知係邊個畀我...」，而該名親戚會在幾日後再到事主家吃飯，事主因此糾結應否告知該名親戚：「我應唔應該同佢講話佢畀咗封空嘅利是封我，定係我當無依件事發生會好啲...」

Photo from 《愛回家之開心速遞》劇照

對此，很多網民都認為不好意頭：「大『吉』利是」、「驚唔好意頭真係大吉利是」、「得個吉利是封唔老黎」，有人建議：「即刻入返張金牛入去千祈唔好比佢兇！唔好意頭！」。

Photo from 《愛回家之開心速遞》劇照

雖然收「大吉利事」並不好意頭，但網民都一面倒勸事主不要提起：「我係你我就當無事發生」、「當冇嘢啦，或者人有錯手啫」、「唔好講，影響大家關係」、「人有錯手啫，又唔係等封利是開飯，當無事發生過啦！」、「又唔係多錢，忘記咗佢算啦，不要太小家了」。

Photo from 《愛回家之開心速遞》劇照