【利是】媽媽答應儲低利是錢 結果已被花光　兒好奇：「有冇人試過真係問阿媽拎返啲利是錢？」

父母會如何處理小朋友往年收到的利是錢呢？是存作孩子的教育基金或是用作日常開銷？如果日後小朋友問起，又該如何回應？日前有網民就透露媽媽從小答應幫忙管理利是錢，結果等他工作之後偶然想起利是錢去向，媽媽卻表示已經花光，他只好發文詢問「有冇人試過真係問阿媽拎返啲利是錢？」

Photo from MamiDaily

媽媽「充公」利是錢 稱「幫你儲低」

樓主於「香港討論區」發文指出，小時候過年收到的利是錢都被媽媽「充公」，理由「都係話幫你儲低啲錢」。大概到了中三、中四的年紀，媽媽才答應讓他自己管理利是錢。近日，已經出社會工作的樓主突然想起這件事，於是好奇詢問媽媽利是錢的去向，「我係唔旨在呢啲利是錢，食飯時貪得意問下阿媽細個啲錢呢？諗住笑下佢啦」。

長大後媽媽坦言已經花光利是錢

結果媽媽還真的如實回答樓主，指自己早已經不記得，因為當時的利是錢已經用完。樓主重申自己不介意媽媽使用利是錢，但還是很好奇：「究極有冇阿媽係真心儲埋啲錢，或者有冇人係真係試過大過咗問屋企人當年啲錢嘅去向。」

Photo from 《愛回家之開心速遞》劇照

家長使用孩子利是錢好正常？

樓主的貼文引起網民討論，首先有網民針對樓主的提問給出回應，表示「有呀！阿媽話買咗樓無了」、「有呀，我記得最後比咗2舊水我就算數」、「試過，好直接話用咗屋企度」、「好細個媽咪就幫我開咗個銀行戶口，每年嘅利是錢都會入哂個戶口度，直至到我18歲時交番哂俾我」。

亦有部分網民表示他們從小就自己袋利是錢，「由細到大阿媽都唔會收起我哋啲利是錢，任我哋用」、「一直啲利是錢都係自己袋」。

Photo from MamiDaily

網民撐家長：當係補貼

另外，有網民認為父母養育孩子不容易，加上過年亦需要封利是畀其他小朋友，因此父母使用孩子的利是錢情有可原，「你阿媽養你唔使錢架，細個攞嗰啲利是錢都係用返你身上啦」、「你阿媽唔派利是，你都唔會點收到啦，當補貼下佢派的利是錢囉」。

那麼各位又是上述提到的哪種類型家長呢？

Photo from 《愛回家之開心速遞》劇照

延伸閱讀：
【海外留學】阿聯酋推黃金簽證搶投資及專才　阿布扎比3熱門大學成留學熱門勝地！
延伸閱讀：
【龍年BB】朱千雪分享媽媽經 自爆BB性別？　3招輕鬆保持孕期好心情 神隊友老公寵愛有加
Text：Mami Editorial

Source：香港討論區