【周末好去處 活學活用 讓小孩多用腦筋 發揮無限創意】

上星期六，嶠媽帶了芊嶠和劻霖去 MegaBox 的玩具反斗城，參加智趣“反”斗學園 2018。玩具反斗城外設置5個遊戲，遊戲都是圍繞著 S.T.E.A.M來設計。

活動開始，每位小朋友都有一張遊戲卡，拎住遊戲卡去唔同攤位玩遊戲，儲齊唔同美文字嘅貼紙。

講返先，STEAM 分別代表 5 個唔同嘅意思。S 代表 Science (科學)；T 代表 Technology (技術)；E 代表 Engineering (工程)；A 代表 Art (美術)；M 代表 Maths (數學)。

“S” Science (科學) – 遊戲：發掘恐龍化石，係要係一舊石入面掘恐龍骨出來，原來個舊石都真係唔易掘開，芊嶠用盡九牛二虎之力，都只係打碎左少少！

“T” Technology (技術)，遊戲：液晶塗鴉板，係比小朋友拎住支筆，想畫咩都得，仲可以插入唔同嘅圖卡，可以學寫字母，或者圖案如：城堡，之後用筆跟住來畫。最好係，一鍵可以清除，唔洗左擦右擦。

“E” Engineering (工程)，遊戲：工程天秤體驗，比小朋友自己將車輪掛上天秤，之後放手，扣住車輪嘅繩會因為重量向下跌，小朋友就好似睇到平時用天秤吊野時嘅情況，相信現實中比較難體驗到。芊嶠都玩得好投入，不過就可能唔明發生咩事！

“A” Art (美術)，遊戲：用 LEGO 發揮創意，砌出夢想天地。姐姐用 LEGO 砌出左一個花園，有車、有樹、有屋，小朋友可以跟住姐姐砌，或者發揮創意，自己想砌咩都可以。

“M” Maths (數學)，遊戲：砌圖配對，將適當嘅數字配落相等嘅數量圖。哩個對於芊嶠來講都仲有少少難度，佢仲係唔係好識數數量，真係頭痛！好彩姐姐嘅幫助下，佢都可以完成任務。

每完成一個遊戲，就會獲得一個英文字母嘅貼紙，儲齊哂STEAM 5個貼紙，即代表你體驗過、玩過5個唔同遊戲。

完成遊戲，會得到證書一張，同埋紀念品一份，有得玩，學到野，玩完有證書，仲有紀念品，芊嶠真係過左一個好開心嘅下午。

===================

智趣“反”斗學園 2018

活動日期：Apr 21, 22, 28, 29, May 1, 5, 6, 12, 13, 19, 20 (Sat, Sun and PH)
活動時間：2pm - 6pm
活動地點：尖沙咀海運大廈地下；九龍灣宏照道 38 號企業廣場 5 期 MegaBox；黃埔花園第 11 期

===================
Toys "R" Us Hong Kong
Facebook：https://www.facebook.com/toysrushongkong/

＝＝＝＝＝＝＝＝＝＝＝＝＝＝＝＝＝＝＝

Text & Photos : 嶠媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！