【生仔係媽媽最感難忘時刻 痛足12個鐘 回憶係聯合醫院生仔情況】

17年12月8日是人生入面一個大轉變

終於真真正正做媽媽喇！

襯有時間同記憶我想做返個記錄

 8號03:00am

訓訓下教發現好似瀨尿咁

咁好眼訓唔理啦.....

流多一陣發現唔係wo! 去廁所望望先

點知我有用護墊條底底都濕埋，

拿拿聲叫醒老公入院，中間突然發冷....

好彩有人提我食埋野先去，

咁我就去食埋麥記先去醫院

04:00am

去到產房就check下子宮等等，

因為中左b連就直入產房等生

唔洗上產前房等~~

開頭一d都唔痛！仲好輕鬆！

慢慢佢幫我落催生藥同打b連個抗生素，

但都係無咩料到。

.

07:00am

我叫老公走先...因為都唔知等幾耐...

09:00am

醫生來了，話人手再穿多次水，

果陣成班學護學醫參觀，教野果個仲話唔會噴水，

點知一穿！我噴到成個醫生成身都係水

攪到醫生都哇一聲~

 .

10:00am

打比老公同佢講叫佢返來，

因為開始好痛，中間有聽音樂又聞笑氣！

音樂唔洗講！流到爆！

放鬆心情 我一野掉開左

另外笑氣對我來講都係廢既！但頭暈暈！

我要求打止痛針佢唔比！話bb心跳唔穩，

其間我不停大叫應該生得，因為我覺得好急好想柯~

.

12:00nn

差唔多12點幾姑娘話我開得快，已經到8度喇！

叫我加油！咁我繼續痛住等....其間又叫又喊咁，

我老公仲教我點聞先岩，仲叫我唔好叫出聲！

我有氣時立即叫佢收聲
(真係女人生仔, 男人靜靜地陪伴就得)

其間我話就生得就生得, 因為FEEL到有野想柯出來

D姑娘仲叫我等到2點醫生來先好生...

我繼續不斷大叫救命~

.

13:00

最後姑娘都肯睇多次宮頸,睇完就話生得喇

叫我再有宮縮就盡力生，生呀痛呀生呀痛呀!

生左成個鐘都生唔到....

（其實無想像中咁痛，似十年柯唔到屎果隻痛！！）

14:00

點知我好唔爭氣，

生極都生唔到，如果生左一小時都生唔到，

醫生建議要人手吸出來

當時好驚，因為老公都要出去...

醫生襯我最痛時叫我簽野，

同時又有個姑娘問可唔可以比班學護入泥學野...

大佬，在最痛時先問問題...

最後我乜都答應只係唔比男學生入

.

15:00

醫生話吸都吸唔到就要開刀架喇！

我即時又好驚！

當醫生打完麻醉針我就開始生！

第一次唔得，點知都未完，

就feel到呀仔想衝出來！我再努力生！

唔洗十分鐘就吸+生左佢出來！！！

（我應該又噴到醫生成身血）

之後未完架！原來我比人剪左都唔知！

同埋個胎盤都要拎埋出泥，

子宮一比人禁就好痛！都唔記得左攪左幾耐就拎左出來，

最後呀仔沖好身就拎來比我對名對性別，

對完就放左響我心口一齊休息，

醫生就幫我聯針，當時如果痛都可以聞笑氣，

咁我keep住聞又覺得聯針無咩野

我唔知佢聯左幾針，半個鐘左右d人走哂...

而我都訓著左..... 一個鐘左右就推返我上病房了

（其間都有人幫我量血壓同禁子宮）

一出到去見到老公我就狂喊
我即時拎個電話出來要打比媽咪!
話佢知生仔真係好辛苦

.

上到病房後因為未夠6點,

所以老公佢都仲要等多陣先可探我，

咁我等左陣姑娘就抱呀仔來叫我餵奶，

因為6-8小時未落得床，

所以頭一日應該會推走個b!!

總算可以休息下了......

登登登登!
小薯B 出世了!

＝＝＝＝＝＝＝＝＝＝＝＝＝＝＝＝＝＝

Text & Photos : Apple

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！