【BB食飽又瞓夠但依然喊唔停 教你解讀BB長喊唔停原因】

相信有唔少媽媽都認經歷過，即使BB食飽奶、瞓夠兼換埋片都仲係咁喊，真係睇見都覺得既心痛又無奈，究竟點先可以令BB開心笑呢？

其實首先同大家一齊數下會令BB喊嘅幾個頭號原因：
肚餓
未掃風
大小二便
尿片太鬆／太緊
皮膚痕癢
太熱／太冷
生活規律亂了

由於初出世嘅BB未懂得用言語去講，只能透過喊聲來表達，爸爸媽媽好多時都係得個估字。不過原來衛生署家庭健康服務嘅網頁都有啲貼士比大家，BB 肚餓、憤怒不安時會發出特定嘅哭聲，如肚餓會喊到拆天之餘，嘴仔兩邊亦會不停郁動；若然是感到不安，雙手會不斷舞動等等，所以爸爸媽媽只要識得分辨到哭聲，就可以輕易知道BB究竟因甚麼事而喊。

教你分辨BB喊聲要啲乜！
肚餓：聲音較低沉，小嘴仔兩邊亦會不停郁動。
憤怒：劇烈並大聲哭叫。
疼痛：無緣無故突然長時間嚎哭，同時發出長而高音嘅尖叫，中間會有停頓，但隨後便會變成單調嘅喊聲。

而當BB不規律地扭喊和雙腳不斷亂蹬時，多是皮膚痕癢嘅問題，最常見嘅係與小屁股有關，皆因BB嘅肌膚特別幼嫩敏感，一不留神就好易出現俗稱嘅尿布疹；然而小屁股上的紅點則有機會係尿片包得太緊、尿片片芯不夠柔軟和不夠透氣所致。

其實要解決BB經常哭鬧嘅問題一啲都唔難，立即話你知解拆方法：

‧作為爸媽應先要多接觸BB，即使有工人姐姐、陪月又或者四大長老幫手，都應盡量以爸爸媽媽湊B為主，其他事務先交畀他人負責，從而了解BB嘅脾性，減少哭鬧情況。

‧ 將BB雙手放胸前又或是用被子包著BB，模仿子宮內嘅生活環境，可以比到BB一定嘅安全感。

‧ 如果與小屁股皮膚有關，不但要勤換片、保持小屁股清潔同乾爽，並且要為BB選擇比較天然嘅尿片！

Huggies全新天然護膚紙尿片，唔單止有pH5.5親膚內表層，仲有超凡柔軟觸感以及雙重防漏背小袋，預防出現滲尿、稀便漏出情況，畀BB體貼溫柔呵護感覺。

並提提各爸媽，盡量少用爽身粉，以免爽身粉同尿液／汗水混合後會阻塞毛孔。

Featured for: Huggies
Text: Mami Editorial