【BB轉食加固後 成日都痾硬便便 新手媽教你5招對抗頑固便便】

從Jasmine六個半月加固開始，佢既便便就開始硬。

由於是人奶B，本來一日幾次水狀便便演變成一日一次固體狀便便，第一次見到都幾擔心。

不過慢慢開始習慣見到固體狀便便，但係有時見到D便便好硬，見佢排出時都會好辛苦。

有見及此，Mama我就有五大妙法對抗"頑"固便便：

妙法一：俾BB飲大量既水，如果BB唔鍾意飲水，就要由水杯著手喇，用一個可以吸引到BB既杯，從而引到BB，令BB覺得飲水係好開心既一件事，令佢愛上飲水。

妙法二：可能飲水都唔會飲好多，就可以煲D湯水，有少少味道，多數BB都會好鍾意飲既。

妙法三：食水果好處多，除左可以吸收大量營養之餘又有助腸道蠕動，幫助排便，Mama每日都會俾BB食一至兩次唔同款式既水果架，好過俾零食啦！

妙法四：好多朋友會借助益生菌來改善腸道問題，但其實我地已有益生菌喺腸道入面，一般情況下都會正常繁殖。如果想攝取益生菌可以食乳酪，仲可以攝取到鈣質、維他命B雜架！

妙法五：適量既運動都可以幫助腸胃蠕動，所以每日都要俾BB放下電，爬又好，行又好，踩單車，或者唱下歌仔俾佢跳下舞又得，咁樣又可以親子互動，促進關係又開心！

希望各位BB都便便暢通，早日戒片！

如果大家鍾意我呢篇文章，請幫忙去呢條link俾個like啦，些些！
https://goo.gl/7fL97i

↫↫↫↫↫↫↫↫↫ jαsmínє & mαmα ↬↬↬↬↬↬↬↬↬

Text & Photos : Jasmine & Mama

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！