新手媽媽爆喊奶奶剪奶嘴剪到飲管咁大 嫌BB食得慢黃金初乳又臭又騷 奶奶：我湊大幾個都係咁

近日，在網上瘋傳了FB專頁「陪月辛酸。血。淚。屎」的資深陪月員Yvonne，為新手媽媽打點親身經歷。

其中一個故事「麻煩奶奶」，以自己經驗之談做事，上集講到掉左媽媽珍惜既黃金初乳，嫌初乳又臭又騷 、今次仲剪爛左BB奶嘴，令新手媽媽爆喊......

陪月辛酸。血。淚。屎@麻煩奶奶5

繼上集。。。

麻煩奶奶：你而家幾千萬未開頭呀! （指住新手爸爸) 反正佢(應該係話新手媽媽) 有個阿嬸（應該係話我)陪佢，我地去飲茶，順便買啲豬手加入薑醋到。

新手爸爸：我5去，1飲就飲幾個鐘。我湊仔女吖！我食陪月姨姨啲飯餸都夠飽。

麻煩奶奶見個仔5理佢，又走入廚房5知搞乜。我怕佢加料落我煲湯，我跟住入去。

麻煩奶奶用筷子撩下煲湯，再擺入口舐下。然後用同1隻筷子撩下煲薑醋，又再擺入口舐下。

我無眼睇，打算幫BBs沖涼。開好水放好毛巾綿花紗巾沖涼液。洗左頭仔，抹乾。打開片片，無屎屎，就慢慢放阿B落水。

呢個時候，麻煩奶奶衝左出嚟，話要影相！ 無錯！ 係大頭既。。。啫啫相！

我見新手媽媽爸爸都反晒白眼，我唯有加快動作同速度。

阿B沖完涼，新手爸爸抱住，新手媽媽去泵奶。我預備開午飯。

我在廚房忙到甩轆既時候，新手媽媽走入嚟爆喊，叫我睇下啲奶咀。

原來，麻煩奶奶覺得個奶嘴流量太細，BBs食得慢，佢嫌唔過癮。全部將個奶咀頭剪到飲管咁上下大既窿窿！(N牌)

於是，我問麻煩奶奶：阿嫲嫲，你剪到咁大個窿，BBs咀仔咁細，會好易濁親架！

麻煩奶奶係呢個時候，要爆了！

佢係我耳邊用90分貝左右既聲浪大叫： 你識唔識㗎！我湊大幾個都係咁剪大個窿㗎！

我：嫲嫲，呢個牌子好貴架，你咁隨手剪1剪啲奶咀，就5見成千蚊架喇！

我特登誇大啲等佢肉赤下個仔啲錢!

麻煩奶奶：( 仍然90分貝聲浪) 我點知吖，有咩理由1個奶咀有兩個窿? 食又食得慢! 我已經無嫌棄佢啲奶騷到臭!

我： 呢隻奶咀其中一個窿係排氣孔嚟㗎! 你依家剪到咁，BBs唯有埋身食奶，係你無得玩餵奶咋。同埋黃金初乳係又騷又杰㗎!

我感覺到自己塊面愈來愈黑。。。

麻煩奶奶終於收口，話自己落街飲茶，順便買返啲奶咀喎。
結果，佢買返嚟奶咀既牌子係。。。P記大碼奶咀

Text: Mami Editorial

Source:「陪月辛酸。血。淚。屎」專頁（文章授權）

Photo Source: TVB