【兒童健康】小朋友細細嗰就患上近視 幾時係近視控制嘅黃金時間？ 唔同嘅近視管理方法 邊款先啱自己小朋友？

小朋友嘅眼睛健康一直以嚟都係各位家長關注嘅重大議題！新世代嘅小朋友經常對住電子產品螢幕，例如係網上學習或者做功課；亦有啲小朋友比較少有戶外活動同缺乏接觸陽光，呢啲生活習慣都有機會造成近視！而當中亞洲兒童患近視率非常高，研究顯示香港有 61.5% 兒童喺 12 歲就受近視影響¹ 。

近視係一種慢性嘅眼疾，係由於眼軸過長，造成眼球屈光不正，令到眼睛睇遠嘅事物會模糊不清，近嘅事物就比較清楚。小朋友有近視，除咗日常生活上睇得唔清楚，影響學習同生活質素外，或者會因為戴眼鏡嘅不便，某程度上減低參加體育活動嘅意欲，影響到身心發展。小朋友喺 12 歲前已發展近視嘅話，加深成深度近視嘅速度一般較快，引發其他眼疾嘅風險亦較高²。因此家長需要及早介入，特別係小朋友 12 歲前就係控制近視加深嘅黃金期，要積極管理小朋友嘅近視情況，保護佢地嘅視力同眼睛健康 。

小朋友患上近視雖然係不可逆轉，都仲有方法可以緩解！把握黃金時期揀啱治療方案，控制近視加深程度，減低長遠影響眼睛健康的風險。好多家長都留意到近年坊間有唔少兒童近視控制產品推出，例如近視管理隱形眼鏡，可以管理近視度數 ，如果想及早了解小朋友有無患上近視，可以留意以下癥狀：

1. 表示自己睇唔清楚
2. 經常眨眼、捽眼
3. 睇書或者電子屏幕要瞇起眼晴或者側頭
4. 閲讀時會睇漏一啲字

今次 MamiDaily 都邀請咗兩位媽咪 — Suie 同 Candy，佢地嘅小朋友同樣患有近視，10 歲嘅 Pawel  選用傳統眼鏡；而 12 歲嘅傑傑就選用咗 Abiliti™ 1-Day 近視管理隱形眼鏡；今次同大家分享一下佢地對於為小朋友選擇近視控制產品嘅睇法！你對於小朋友用近視管理隱形眼鏡又有無同 Suie 一樣嘅擔心呢？睇吓兩位家長嘅經驗分享啦！

Suie：

你地當初點樣發現小朋友有近視，之後係點樣處理呢？

Candy:

我同我先生都有好深近視，都會擔心遺傳俾兩個小朋友，所以我哋都特別留意佢哋睇嘢有無「濛」起眼。後來我發現傑傑 6 歲時，間中會捽眼，話睇嘢唔清楚。所我哋就即刻帶佢去搵視光師檢查，驗眼之後就確定患有近視。

我都建議家長要多留意小朋友平時嘅用眼習慣，定期帶佢去驗眼。雖然 12 歲前係控制近視嘅黃金階段，但 12 歲後先有近視，都要即刻開始近視管理，先可以減緩近視加深。

Suie：

係呀，開頭我都無太留意 Pawel 有無近視癥狀，到佢今年 11 歲，近視度數已經去到接近 400 度，我都想知有無好啲嘅方法幫佢管理近視。加上佢好鍾意打排球，用傳統眼鏡其實做運動好唔方便；我知道坊間有其他新式治療方法，例如軟性治療隱形眼鏡。我都想了解多啲呢種近視管理方法，當初點解你會幫傑傑揀用近視管理隱形眼鏡？

Candy：

傑傑都好鍾意玩體育活動，但佢都因為患上近視而要戴住眼鏡打排球。佢話打波有個框框阻住好影響表現，就同佢去搵視光師咨詢，根據傑傑嘅習慣就介紹咗 Abiliti™治療方案，一款專為減緩兒童近視加深而設，同時可矯正視力嘅 Abiliti™ 1-Day 近視管理隱形眼鏡日拋款式。

個人覺得相對其他使用週期較耐嘅隱形眼鏡，呢款比較衛生、容易打理。同埋佢地有一個 SeeAbiliti™ 應用程式，可以紀錄仔女戶外活動時間、日程表，提供控制近視嘅生活方式小貼士等，提升近視管理嘅成效。

其實我自己都有用 ACUVUE® 日拋隱形眼鏡，所以都 ACUVUE® 產品都有信心。視光師都提及過當小朋友嘅近視每年加深起過 -0.50D 就要特別注意，尤其小朋友 12 歲前係控制近視加深嘅黃金期，每日勤力配戴近視管理隱形眼眼鏡，近視加深速度就會容易控制，就算 12 歲之後嘅小朋友都建議可以即刻勤力配戴，控制近視。自從傑傑戴咗軟性治療隱形眼鏡之後，檢查度數上都無改變，佢都話方便好多，做運動表現都好咗！  

Suie：

我相信好多爸爸媽媽都會覺得隱形眼鏡呢類產品只啱大人用，擔心小朋友自己唔識佩戴同除低隱形眼鏡，你嘅小朋友係點樣解決？小朋友仲係發育階段，咁早戴隱形眼鏡會唔會有影響？同埋都驚小朋友戴得耐會造成眼乾，會唔會覺有異物感或者容易捽眼整傷眼睛？

Candy:

傑傑初初都要向視光師學習點佩戴同除低隱形眼鏡。其實小朋友佩戴隱形眼鏡同成年人係一樣方法，一樣咁方便，只要記得喺佩戴同除低隱形眼鏡前清潔雙手。而且選配隱形眼鏡嘅時候，視光師都會教導正確嘅手法，輕輕用指腹將鏡片放上眼球就搞掂，見到傑傑用咗十分鐘就學識戴除，非常容易上手。

如果擔心眼乾，傑傑而家戴緊嘅 ACUVUE® Abiliti™ 1-Day 每日拋軟性治療隱形眼鏡，就沿用咗另一款大人用嘅 ACUVUE® OASYS 1-Day 隱形眼鏡嘅高透氧同矽水凝膠物料，可以令鏡片高度保濕又柔軟順滑，傑傑都話 Keep 住戴都好水潤舒適！ 

Suie：

今次傾完我真係了解多咗好多關於近視管理，同埋小朋友佩戴隱形眼鏡要注意嘅地方！等我快啲聯絡視光師了解更多關於 Abiliti™ 1-Day 近視管理隱形眼鏡先！希望 Pawel  都可以試用新嘅近視管理方法，等佢打排球更得心應手，唔洗再俾框框局限，可以發揮最佳表現！

Candy:

希望幫到你同 Pawel！

Abiliti™ 近視管理治療，係一項全新的綜合近視管理解決方案，旨在幫助家長減緩兒童近視加深的情況，同時矯正兒童視力。呢款綜合近視管理方案包括 ACUVUE® Abiliti™ Overnight 近視管理夜間矯視隱形眼鏡、ACUVUE® Abiliti™ 1-Day 每日拋軟性治療隱形眼鏡，以及 SeeAbiliti™ 個人化數碼應用程式，讓近視管理無縫地融入家長和兒童的生活之中。

ACUVUE® Abiliti™ 1-Day 每日拋棄型軟性近視管理治療性鏡片係首款專為兒童眼睛設計的日拋型矽水凝膠軟性隱形眼鏡， 有效減緩兒童近視的加深³，同時矯正視力。採用革命性設計嘅 RingBoost™技術，將光線分成兩束，一束聚焦喺視網膜矯正近視，另一束聚焦喺視網膜前減緩近視加深。

ACUVUE® Abiliti™ Overnight 近視管理夜間矯視隱形眼鏡:每隻鏡片均因應每個孩子的獨特角膜形狀和處方而專門設計，並為通過 CE mark 的角膜塑形術(Ortho-K)隱形眼鏡，患者可通宵配戴，有效控制近視，翌日無 需配戴鏡片仍可保持清晰的視力。

再配合 SeeAbiliti™ 應用程式，可提供近視相關的生活模式指引、治療支援，例如提醒父母 增加子女的戶外活動時間，以及子女成長過程中的需要等，從而提升近視管理的成效。

Abiliti™ Overnight 夜間矯視隱形眼鏡及 Abiliti™ 1-Day 治療隱形眼鏡均為患者提供安全且有效的治療方案選項，減緩近視加深嘅速度。患者及家長應咨詢眼科專業人士或視光師，根據臨床經驗，並考量生活方式後，共同決定最適合患者的治療方案，快啲同視光師預約，了解點樣管理近視啦！了解更多 Abiliti™：bit.ly/46YBo0i

既然近視係不可逆轉，爸爸媽咪記得適時留意小朋友嘅眼睛，教導佢哋及早保護眼睛！所以最後都教大家三大護眼方法，可以減低近視機會，減緩近視加深：

1. 「20-20-20護眼法則」

小朋友長時間望住電子屏幕，會對眼睛造成負擔。每使用 20 分鐘電腦，應該休息眼睛 20 秒，同埋望 20 呎外嘅景物，讓眼睛休息。家長亦都可以同小朋友一齊放低手機，一齊培養護眼習慣。

2. 保持良好閲讀姿勢

小朋友睇書嘅時候，應該同書本保持最少 30cm 距離；而使用電腦就要保持最少 50cm 距離；亦都要避免伏喺枱上睇書或者寫字。

3. 定期檢查眼睛 佩戴合適近視控制工具

無論小朋友有冇視力問題嘅癥狀，都應該每 6 個月搵視光師檢查眼睛，早期介入對長遠視力健康有好大幫助！如果檢查後，發現有患上近視嘅問題，可以根據視光師建議，及早佩戴合適嘅近視控制工具，亦有助減緩近視加深嘅速度³。

¹ Wolfram et al 2014 Br J Ophthalmol

² Hu Y et al. Association of Age at Myopia Onset With Risk of High Myopia in Adulthood in a 12-Year Follow-up of a Chinese Cohort. JAMA Ophthalmol. 2020;138:1–6.

³ JJV Data on file, 2023. Efficacy of ACUVUE® Abiliti™ 1-Day Soft Therapeutic Lenses for Myopia Management: Comparative Claims vs. Single-Vision and Dual Focus Lenses.  After 6 months of wear