【婚後人生】結婚生仔後人生好似定格咁？人夫懷念未婚前時光，引網民批評

By wing.wong on 16 Nov 2023

經常有人說，結婚是人生另一個階段，生小朋友又是另一個階段。對各位夫婦、爸媽而言，婚姻生子後又會是怎樣的人生？近日，一位人夫形容結婚生仔後的人生就像定格一樣，指自己的朋友在小朋友出生後慢慢疏遠，甚至他的幸福指數可能要到人老後才會回升，帖文引起網民熱議。

Photo from 《產後調理院》劇照

婚後生活一成不變

一位人夫於連登討論區以「結咗婚生咗仔，人生就好似定格了」為題發帖，詢問網民：「有冇人都有咁嘅感覺？結咗婚之後，每一日做嘅嘢就變到一成不變」，他描述自己的生活：上班、下班回家、見到老婆仔女、放假、見到老婆仔女。

Photo from 《大債時代》劇照

生仔後朋友慢慢疏遠

談到以前的朋友，該名人夫指，他與未結婚、已婚未生的朋友沒有話題；已婚生子的朋友又很少約出來見面；以前的曖昧對象「知你結咗婚又唔會理你」；新女同事也不會約出來聊天；未婚的男同事「大把嘢玩唔會理你」；有家庭的人又不會邀約，幾乎斷絕與同事朋友的社交。樓主補充指：「我d朋友兄弟，真係去到小朋友出世之後就慢慢疏遠，唔係話特登咁做，可能咁啱去到人生交叉點個刻，好似去到十字路口，愈行愈遠」。

Photo from 《一周的朋友》劇照

幸福指數要到老咗先會回升？

該名人夫再談到自己，指想去玩的地方，第一時間要想能否帶一家大細去，又要擔心仔女突然睡醒會哭。樓主指，之前在網絡上看到一段短片提到：「生咗小朋友，個幸福指數就會跌，要去到仔女都大個離巢先會升返」，樓主感嘆：「但個陣我已經係阿伯，等死了」。

懷念未婚前的時光

樓主在留言區談到以前的生活：「啱啱冇嘢做，睇返fb、Ig、WhatsApp d相，未結婚生仔頭個幾年，原來我好多gathering、旅行；睇返d video，原來個陣我笑得好開心」，他覺得現時：「好似得返愛情，冇晒友情，我一諗到我呢一刻已經知道5年後、10年後、30年後嘅自己係點就好sad，仔女一到青春期，實已經唔會理你，咁除咗老婆，人生真係咩都冇了」，表示自己有「一家大細都睇到自己嘅壓力」。

Photo from 《單身男女》劇照

「結婚之後個世界靜咗」

有網民表示理解：「我明，未結婚時個世界仲好熱鬧，結婚之後個世界靜咗，得老婆仔女，無其他」，有不少家長留言反駁：「你個仔會大架，你就想定格，愈來愈多嘢煩就真」、「我反而覺得有老婆仔女之後自己更加有動力去追求更好嘅生活，如果我冇結婚生仔，宜家應該仲係日日收工番去聽老豆老母鵝一輪，然後入房打機又一日」，也有人認為與家人相處也同樣開心：「小咗應酬係肯定，不過同老婆都幾享受見到個B慢慢長大」，更有自稱單身的網民表示羨慕樓主的生活。