【BB衫仔好易唔岩著 掉又覺得好浪費 將衫仔變公仔讓每部份都有記念價值】

係生之前，我就係到諗，啲舊既BB衫除左轉贈俾人外，點樣我又可以keep到但又唔會阻住呢~

就係上年我玩玩下facebook見到原來有舊衫記念公仔，我就緊係拿拿聲like左同remark低啦！

終於，我決定係自己生日前決定要送呢份禮物俾蠔豉妹妹！(拿，唔好問我點解自己生日要送野俾阿囡~其實只係一個借口，等老公無得say no~)

由於我一早預左要整，所以我keep起左啲有意義既衫無轉贈俾朋友~

店主好好咁不停俾意見我，而我又話左俾店主聽啲衫既故事~

拿，我自己真係煩到一個點，好彩店主好人乍 :p

最後就用左以下幾件去做呢隻兔仔！

瑪麗出世人奶BB帽—>蝴蝶結

(每個BB都有嫁！對我黎講，係蠔豉出世後第一份禮物)

灰色貓貓連身衫—>兔仔身

(係蠔豉出院既衫，本人係灰色控，所以出院一家三口夾好dress code係灰色:p)

白色衫—>兔仔面

(第一件自己買俾妹妹既衫就係呢件uniqlo白色底衫~)

粉紅色波點衫—>兔仔耳、頸巾

(呢件同上面白色uniqlo係同一pack嫁~)

粉紅橫條衫—>兔仔耳

(係第一次妹妹同媽媽自拍時既衫，其實當日係12朝！)

白x淺藍衫—>兔仔衫

(係妹妹百日宴時著的~)

粉紅色lace裙—>兔仔衫

(雙滿月party時著的，要襯返當日party所以著粉紅色~~)

拿，本身老公係覺得好貴，洗唔洗咁貴，但個人作為4分1個設計師，我覺得一啲都唔貴！設計同心思都好值錢的：）

由於要預個幾月既時間，我原本以為趕唔切自己生日前整好，點知生日前一日店主就話做好啦！

見到相嗰下，我同老公都差啲喊左出黎...

真係好感動，阿女越黎越大，衫仔就越黎越細...

我知無可能keep住阿女係BB咁再著上呢啲對我好有意義既衫...

所以當呢啲衫可以變成兔兔後一直陪住蠔豉妹妹長大真係好開心！

到見到實物後，老公都話好值得。

因為係一個回憶，而回憶係無價！

蠔豉都好似好鐘意~

我一拎住兔兔就勁happy~

真係好多謝店主唔介意我煩~

最後整左呢隻咁靚又可以換衫既兔兔俾我地！

件BB版百日宴衫真係無得頂！

如果店主有材料包就更好~

可以一手一腳自己整，不過我都好有信心會整得好醜:p

所以都係留俾店主幫我啦~~

===============

Text & Photos : Pig Wing

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！