【搭巴士】15歲仔用小童八達通遭車長揭發 母親護兒爆發口角：細路仔唔識嘢
根據規定，年齡介於3至11歲的兒童方可以使用「小童八達通」乘搭各類公共交通工具。不過近日網上就流傳一條影片，顯示有15歲青少年使用小童八達通搭巴士，因此遭到車長大聲斥責，母親護子心切，因此雙方爆發激烈口角，引起網民討論。
Photo from MamiDaily
15歲少年用小童八達通乘車遭揭發
日前，FB群組「車cam L（香港群組）」曝光一條巴士行車記錄儀影片。影片中顯示一名體型高大的少年和母親一起乘搭巴士，他若無其事拍卡後，機器卻響起小童車票聲音。這立刻引起巴士車長注意，車長立刻詢問少年：「喂你幾多歲呀，仲畀小童？」或許是沒料到車長會突然叫住自己，少年起初並沒有反應過來，在車長再次追問下才回答自己15歲。
Photo from 翻攝自FB群組「車cam L（香港群組）」
車長怒斥要求落車
車長聞言立刻責備：「15歲仲畀咩小童呀？」少年隨即指自己沒有其他八達通卡，車長便停車並打開車門，喝令少年落車，或是選擇立刻補足車資。少年見狀只好和已經坐下的母親求助。少年母親起初語氣平靜，詢問車長：「佢唔係滴咗張卡就可以噶咩？」車長逐漸失去耐心，大聲回應：「小童卡來噶！」少年母親再問：「學生唔可以用小童飛咩？」車長直言：「梗係唔得啦！」
車長和少年母親爆發激烈口角
少年母親被車長態度惹怒，不甘示弱鬧爆：「你使唔使咁嘅態度呀！你好啲態度，我有錢畀你」，又護子心切指「細路仔唔識嘢得唔得呀」。雙方爆發激烈口角，車長見對方不願配合，大喝「唔畀咪落車囉」。
最終，少年母親幫兒子拍了一次成人八達通，不過依舊罵罵咧咧，袒護小孩不懂事，指責車長態度無理。一旁的少年有母親撐腰後加入罵戰：「我而家差你錢呀，你咩態度啊你，使乜鬧鬧聲呀，好大呀你揸車！」見對方補足車資，車長不再回應，繼續開車。
Photo from FB群組「車cam L（香港群組）」
網民意見兩極
該片段引起網民爭議，除了抨擊少年和母親是「西客」之外，也有網民指出車長情緒不穩定，雙方皆有過失！抨擊車長態度問題的網民留言表示：「個司機態度不好，一開口已經出事，唔想做可以唔做，個情緒咁大，揸巴士好危險」、「兩母子係唔啱，但係我覺得司機唔需要咁嘅態度囉， 有少少過火」、「司機嘅情緒管理好差」、「如果司機好聲好氣件事應該唔會發展成咁」。
支持車長的網民指：「日日揸車塞車，又要對住西客，幾好皮氣都有頂唔順嘅時刻」、「司機做得好！唔講大家唔知，香港真係好多呢類人」、「眼界大開，竟然有人覺得司機唔啱」、「15歲仲叫細路仔？仲要係『唔識嘢』嘅細路仔？」、「個細路唔識個老母都冇可能唔知啦，搏懵扮晒嘢」。
Photo from FB群組「車cam L（香港群組）」
根據現時條例，年齡介乎3至11歲的小童可使用小童八達通搭乘港鐵、九巴、城巴、新巴及新渡輪，可享小童票價優惠。而年齡介乎12至25歲、現正就讀於本港認可院校全日制日間課程的人士，就要使用學生八達通，可享學生票價優惠。而違例使用兒童八達通，可能會被罰款。
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
