【家庭】應考生遭家人言語暴力施壓「呢啲說話真係好窒息」

By Dara on 28 Nov 2023

Deputy Managing Editor

當自己成為父母，才明白父母的喜怒哀樂，以及無私的愛！

本地家庭習慣「家長式管治」，慣用高壓說話方式，有時很平常的無心之言，可能令孩子添加無形壓力。本地一名大學生回顧之前考DSE時，家人不斷說：「快啲搞掂去溫書」、「你再唔勤力啲考入大學，出嚟做M記」，好像事主食飯喝水呼吸都是多餘，壓力如山大，每日都感到窒息，希望家人能改變這種言語施壓。

Photo from MamiDaily

被家人搞到日日喊

大家有否反省過，一些「好像」關心子女的說話，原來是施壓？事主在討論區「Dcard」發帖：「屋企人講呢啲說話真係好窒息」。現時正在本地讀大學的事主，回想中六考DSE那年，既要承受考試壓力，又要面對家人的言語壓力，「嗰陣考DSE，其實大部分嘅壓力都來自屋企人，搞到我日日都喺度喊，好多次mental breakdown 喊到收唔到聲。」

Photo from MamiDaily

日日言語施壓

事主舉出例子：

1. 明明放學之後一半時間都用來溫書，但家人會訓話：「你再唔勤力啲考入大學，出嚟做M記」；

2. 無論正在吃飯、沖涼，家人也會說：「快啲搞掂去溫書」，喺呢啲難得可以relax嘅時間都不斷比壓力，好似用半個鐘食飯係罪咁，呢種感覺真係好窒息唞唔到氣⋯⋯

事主覺得：「中間我都有講過幾次其實佢哋咁樣我好大壓力。我以為佢哋會識反省、唔會再咁講嘢，但係佢哋永遠都唔識改。」

Photo from 《非同凡響》劇照

被家人否定自己的努力

幸而事主捱完DSE後終於入到大學，而且對成績滿意，自謙地說：「我考到呢個分都唔錯吖」，結果不但沒有換來家人的支持和鼓勵，反而說：「好彩當時日日都有叫你溫書」、「如果再努力啲攞多幾粒星就好」、「我嗰啲唔叫壓力，係關心你想你考好啲」，被親人否定自己的努力，而且不斷語言傷害，令事主愈聽愈心寒，「明明係我自己嘅努力，明明係佢哋搞到我mental health惡化，點解喺人前人後都變成佢哋嘅功勞？？」

事主認為，家人施予的壓力成為了他的創傷，令他每日也唞不到氣，十分辛苦。但他不想因此與家人成為仇人，也不希望關係破裂，「究竟點樣可以同自己和解⋯⋯」。

Photo from 《教束》劇照

同是天涯淪落人

事主的帖文，無意引出不少人也遇到相同待遇，「同是天涯淪落人」、「一樣呀我都」、「一樣，屋企人一路以為我讀書好好，讀得好輕鬆。dse嗰陣同佢哋呻好多嘢溫咗都唔入腦，佢哋就會講咩再溫耐啲，辛苦啲，要奮鬥，要吃苦，之後開始講啲大道理…wth其實我都知佢哋幫唔到我，尋求緊溫暖同支持啫…」。

有人指自己遭遇比事主更慘，皆因他的父母是老師，被標籤「父母係老師我就一定要好叻咁」，「我父母都會講嗰啲嘢，好似我冇咗佢哋我注定係垃圾咁，佢哋甚至乎嗰陣因為我冇星，逼我retake多次，當時我都有一排好辛苦唞唔到氣日日mental breakdown」，後來他自己想通了，當家人說話『發噏風』，『最多咪應句好啊、哦咁』，你要記住你係改變唔到佢哋思想，你幾包容佢哋都好，佢地都係會照講，所以唔好理，搵啲嘢分散下，自己個分對得住自己咪得」。