【公屋】兒子同學滿18歲排1年即獲派公屋，港媽質疑有古怪，網民提一心酸理由反駁

By wing.wong on 17 Oct 2023

公屋需求殷切，一般人申請輪候公屋，也需等5年以上。近日，一名港媽於FB群組中發文指，兒子的同學在18歲排公屋，但輪候不足一年便獲派市區，令港媽感到不忿：「令人髮指，一定有古怪」，帖文引起熱議，有網民認為該名同學有特殊原因，勸港媽：「唔好眼紅」。

Photo from 翻攝自公屋討論區 - 香港facebook群組

網民：咁都要眼紅

對於該名港媽的描述，留言區有不少網民討論，有人認為該名同學家庭狀況有問題，或通過體恤安置獲派公屋：「其實房署係有一定數量嘅公屋單位交俾社署，社署會喺啲個案裏面抽選確切有需要特快上公屋嘅人，去幫佢哋上公屋」、「我識人都係18歲攞到公屋，但佢當時係父母雙亡」，並批評樓主：「人哋返唔到屋企，咁都要眼紅人」、「人哋細路仔一個人住又唔係同你爭4人家庭」。

Photo from 《一念無明》劇照

港媽質疑濫用機制資源

對此，該名港媽提及同學的情況：「無社工跟，無病，無體恤安置，正常讀中學，之前無公屋戶藉，父母在生，無保證書」、「肯定係一人輪候」，強調自己並非「眼紅」：「係，正常狀況，無特殊情況，可以打尖。有特殊情況當然要照顧」、「支持一切有特殊情況特殊需要人士優先上樓」，但她質疑：「有人濫用機制資源」、「好多都叫人扮同情快上樓」。

Photo from 《親親我好媽》劇照

網民提一心酸原因

但網民大多不同意港媽的說法：「你睇佢好，但唔代表你知佢屋企狀況係點㗎嘛～你要諗佢嘅家庭會唔會出現咗咩問題～有啲嘢好難講」、「有父母邊個想咁快獨立呀，畀啲同理心，理解咗先啦，18歲要自己一個人住壓力好大㗎」、「每個人總係有家庭變異嘅問題出現，房屋署先有特快批的」，另有網民指出：「孤兒仔都可以申請，18歲寄養家庭必須搬出」。