【校園欺凌】中學女生被4男同學欺負至休學，疑似欺凌者在網上回應惹怒網民

By wing.wong on 05 Sep 2023

近日，有家長於《東張西望》重提女兒於4年前被4個男生欺凌的經歷，指事件曾遭學校冷處理，教育局甚至成為幫兇，加上欺凌者屢次再犯，媽媽決定訴諸法律。事件不斷發酵，日前，網絡流傳校方發出的家長信，甚至有疑似欺凌者承認欺凌事件。

Photo from 《東張西望》節目截圖

女兒被4男同學欺凌

據《東張西望》報道，張女士的女兒在沙田一間中學就讀，2019年中三下學期起，被4位男同學用照片醜化、取綽號、說她濫交等方式欺凌，事件持續4年多，一開始家長向學校求助，3位男同學被口頭警告、一位被記缺點，怎料不到2個月，其中兩人再犯，當時處於疫情，未能復課，加上校方冷處理，於是張女士出律師信給兩個同學，要求道歉，以及賠償心理輔導費用，張女士解釋：「要求賠償費用唔係一定要問佢哋攞返晒啲錢，只不過我係希望有個真實形式，俾佢哋感覺到要為佢哋嘅行為負上責任」，在校方安排下，兩位同學道歉。

Photo from 《東張西望》節目截圖

休學一年後繼續被欺凌

女兒休學一年，在2020年原校重讀中四，認為不同班級、樓層後，遇到的機會會減少。然而，在開學後，人身攻擊、言語欺凌再次出現，其中一個男生蘇同學發帖指自己被冤枉，隨後張女士再次聯絡校方，校長找了一個代訓導主任回覆：「就9月份發生的事件，學校已經處理，至於點樣處理同埋處理咗啲咩，學校唔需要同家長交代」，收到回覆後，媽媽感到震驚：「我哋都係當事人，點解唔使同我哋交代」、「過咗一年幾，你哋仲係用咁嘅手法處理，係咪會好有問題？」

Photo from 《東張西望》節目截圖

校方百般刁難

當時另一位同學及家長立即道歉，於是張女士只出律師信控告蘇同學，直至12月，校長回覆指，因停課關係，無法將律師信交予蘇同學，期間更有輔導老師指：「要求同學向受害人道歉唔係學校嘅責任」。張女士轉而向教育局投訴校方做法，於是學校成立調查委員會，但會上只有校方代表，開會時間、日期及細節安排都百般刁難，並表示張女士「除咗律師，唔可以帶任何人上嚟」，而非本地律師需自行翻譯。張女士認為：「我唔覺得佢哋想解決件事，想留難我，睇下我幾時知難而退」、「我覺得佢哋想處理我，唔係處理件事」。

Photo from 《東張西望》節目截圖

教育局成幫兇？

張女士唯有向教育局反映，最終會議才順利以英語進行，但2021年收到調查報告顯示，所有投訴都被推翻，校方認為處理事件恰當，懲罰合適。張女士指：「呢位有法律背景嘅校監居然將是非黑白顛倒⋯⋯校監喺個報告度寫，我因為唔接受佢哋道歉，而屈我向佢哋要求金錢賠償⋯⋯啲信件全部有晒日期，如果佢真係有法律背景，呢個係一個好低級嘅錯誤」、「你會覺得成個會好冷漠，好似我喺犯人席被盤問」。張女士再向教育局上訴，最終都是不成立，教育局職員聯絡她指：「學校都係維持原判，大家描述上有啲差別，其實對成件事影響唔大」，張女士追問：「如果呢啲唔係基於事實嘅報告，你哋都會接受？」、「香港學生如果遇到呢啲事，邊個保護佢哋？」對方對張女士的問題沉默不語，不斷說已按機制辦事。張女士感嘆：「原來學校可以隻手遮天到呢個地步，而教育局容許咁做，或者佢哋甚至係幫兇」。

Photo from 《東張西望》節目截圖

家長曾建議代兒子道歉

4位欺凌同學中，蘇同學屢次再犯，其家長曾建議代兒子道歉，但要求不可以讓兒子知道，張女士當時一口拒絕。期間一位曾經任教該校的老師以過來人身份鼓勵：「已感受到學校文化並不看重欺凌個案，甚至並不同情受欺凌者⋯⋯欺凌者歷年來是同事口中的好幫手⋯⋯學校彌漫著這種欺善怕惡及利用群眾壓力的氣氛。此外，多年前曾經有一位同學在休學期間跳樓自殺⋯⋯終於遇上願意為子女爭取的家長⋯⋯你的堅持會造福將來的同學」。

Photo from 《東張西望》節目截圖

成功控告欺凌者

最終張女士與女兒決定控上高等法院，控告蘇同學誹謗。直至今年1月，張女士收到法庭判決，成功控告蘇同學，張女士與女兒都鬆了口氣，而女兒今年考完DSE，已在8月離港，到海外升學。女兒表示：「對呢件事嘅形容，就係好痛苦，亦都好驚訝同傷心，學校嘅處理手法令我對老師呢種職業改觀。4年經歷，返學都覺得好辛苦，因為要面對同學，一方面驚佢哋戴有色眼鏡睇我，另一方面怕同學嘅冷嘲熱諷。雖然討厭返學，但又擔心學業追唔上，所以我每日都好大壓力，最輕鬆嗰日係畢業，我知道自己唔需要再踏入呢間學校，亦都唔使再見到啲同學⋯⋯都好抱歉令屋企人咁擔心我，同時要感謝佢哋嘅諒解，即使中六缺席60日，我喺DSE嘅成績都可以應付到升學，我相信我未來可以做得更好。」

Photo from 《東張西望》節目截圖

學校發家長信回應

另外，討論區上流傳一封有關學校的家長信，信中就事件指：「本校一直認真嚴肅處理，堅守對欺凌零容忍原則，並一直與教育局和家長保持溝通，冀以和平和理性方式解決事件，並合力阻止欺凌情況出現。學校透過多次見家長，按『違規處分指引』嚴厲懲處，安排男學生道歉等途徑處理事件，同時由班主任・社工和輔導老師持續對事主作出輔導支援，最終於2020年間遏止了相關事情，涉事四位男學生均全部已在2022年6月畢業離校，而涉案女學生亦在2023年6月畢業離校，但由於事件涉及個人私隱，學校不便透露詳情。投訴者除了針對學校作出投訴外，過往曾多次在報章上就此事批評學校，2022年初亦於社交媒體抨擊學校對事件的處理方式。現時再透道電視媒體作出相關的報導，本校深表遺憾。」

Photo from 連登討論區

疑似欺凌者「劉同學」回應

此外，有網民起底找到另一位疑似欺凌者「劉同學」的社交帳號，對於網民指責，「劉同學」承認事件，並指：「交道歉信俾學校係學校同我講嘅做法，我只係跟從學校俾我嘅指示，道歉信就係代表我嘅道歉，至於學校決定點樣處理封道歉信，係學校嘅決定，我並無干涉其中，據我嘅了解，我交完道歉信之後，喺呢件事入面我嘅參與已經告一段落」、「既然事件已經告上法庭，咁事件嘅邊個對錯就應該交畀法官決定，我唔喺法律程序入面，就唔想多作討論」。