【經濟】父母分居收到海外學校取錄通知中三女猶豫應不應留學

By Dara on 25 Aug 2023

Deputy Managing Editor

如果有機會留學，但家庭經濟不富裕，可能加重家長負擔，你會選擇出國嗎？本地一名中三女學生，收到外地中學的取錄通知，適逢父母婚變，媽媽將獨力支付女兒學費和家庭開支，女學生雖然很想到外國讀書，卻猶䂊應不應該出發，如果留在香港升學，便可減輕媽媽的財政壓力。

Photo from 《小別離》劇照

父母感情不和決定分居

女學生在IG專頁「nss.secrets」發帖：「我究竟要唔要去留學…」。她今年升中三，自小便很想去外國讀書，可是家庭負擔不起，因而一直沒有機會。早排父母婚變，處於分居階段，還未正式離婚。父母感情不和，很大程度是父親的原因，她這樣形容父親，「我阿爸呢？佢係日日喺屋企玩賭玩到成日輸錢嘅廢老，又會將脾氣發洩落我同我阿媽身上，呢個係佢哋分開原因，所以係冇得靠佢。」

Photo from 《陪你一起長大》劇照

獲外地學校取錄入學

父母分居後，媽媽經濟反而鬆動了，便計劃安排事主到外地升學，日前終於收到一所學校的取錄通知，滿心歡喜的事主卻猶豫應不應去？她說：「我成績唔算好，得一間學校收，學費嚟講喺嗰個City數一數二貴，但好彩我去嗰個地方生活成本較低，但低極學費都20,000港幣一個月，唔係住寄宿，住親戚度。」

如果她決定出國，未來只靠媽媽一份人工支撐，她擔心令家人構成經濟壓力。「我阿媽係教運動+產品代理+返寫字樓part-time，佢講人工得30,000幾，但穩定嘅，不過交完我學費、生活費、佢自己嘅各種使費之後其實就冇乜錢剩，佢晚晚返嚟就同我講冇錢，我都唔忍心見到佢咁。」

Photo from MamiDaily

放棄還是出發？

事主認為，如果她留在香港讀書，媽媽起碼每個月能有數千元儲蓄，能減低財政壓力。「但我收到Offer之後佢都開心，如無意外10月頭就出發，佢成日同我講要慳啲使，佢冇錢。佢將佢用嘅每一份錢都同我講得清清楚楚，我都feel到佢有壓力，所以我就諗不如直頭唔好去，就算我去咗會開心咩？」

她覺得飛到外國，一使錢就會內疚，假期、學校活動亦不知有沒有錢參加，經常想放棄留學會唔會是一個好選擇？「但無可否認我自細已經好嚮往外國生活，尤其是呢幾年社會發生唔同事令我真係好想離開，好想定居外國，好想識班外國frd，難得有呢個機會我應唔應該放棄..？」希望網民給意見。

Photo from MamiDaily

網民建議遲一年出國

不少網民勸事主珍惜機會，「媽媽主動送你去，都係想你有個好啲嘅未來，去完第時有能力嘅咪對阿媽好啲，始終機會難得唔好放棄」、「去啦，不過到時打多啲電話俾阿媽，佢自己一個一定會好掛住你」、「使費呢，建議由依家開始嘗試記帳，用apps紀錄自己每一筆錢。當成為習慣以後你就可以控制你嘅使費」、「如果可以嘅去到就返下pt賺生活費，等吖媽冇咁辛苦」。

另一方面，有人覺得「如果錢太緊，不如留港俾心機讀，入香港的大學」，有人建議不如遲一年入學，因為留學除了學費外，還有不少生活開支，例如：搭巴士、買日用品或衣物、電話上網、學校活動等，「呢一年你媽咪可以把你留學的錢儲起，而生活不感壓力，即係大致可以解決金錢壓力。相反，呢一年錢也剩不到，那要考慮清楚是否真的有能力出去」。