【張厚耀】人氣KOL女兒拍廣告被網民mean爆攻擊醜樣，媽媽罕有公開反擊！

By wing.wong on 17 Aug 2023

仔女是爸媽眼中的心肝寶貝，小朋友受到批評，父母必然會不好受。日前，中韓人氣KOL張厚耀於社交平台貼出與女兒外出打卡其廣告相的影片，卻有網民留言批評女兒「醜樣」，更mean爆指女兒是因為媽媽的名氣才有機會拍廣告，留言引起張厚耀關注，她因此罕有反擊。

Photo from Instagram @suechangg

中韓混血兒KOL張厚耀(Sue Chang)，因一條韓文教學片成功走紅，現時，Sue的Instagram追蹤人數達33.6萬，她於2016年與金融業男友John結婚，並先後誕下大女Jane（張芯瑜）及細女Kaia，更創立自家親子服裝品牌、珠寶品牌及畫廊，事業家庭兩兼顧。

Photo from Instagram @suechangg

帶女兒到銅鑼灣打卡廣告相

日前，大女Jane為某鞋履品牌拍攝的廣告相展示於銅鑼灣鬧市廣告牌及店鋪內，Sue及丈夫特地帶Jane到場打卡，並拍片上傳到IG，指：「Proud Mama❤️ 媽媽永遠是你頭號粉絲🙌🏻」。影片中，Jane見到自己的相片時，樣子非常驚喜，並配合擺pose與自己影相，父母亦非常驕傲。

Photo from Instagram @suechangg

網民mean爆留言

影片上傳後，網民紛紛大讚：「囡囡反應好可愛」、「阿女真係好cute」、「好叻女呀，搵日去打卡支持下先」，但卻有網民留言指：「你個女咁醜樣，如果唔係因為你，佢一世都唔會賣到廣告啦！你自己問心個女都真係同個大陸大區兒童咁嘅樣」。

Photo from Instagram @suechangg

媽媽罕有反擊

該條留言引起Sue注意，她因此回覆指：「咁唔抵得，下世投胎做我個女囉」，該網民事後刪除留言，但Sue即截圖貼於限時動態指：「你咪傳說中嘅@_bbbfamous？」、「好少覆呢啲但見你攻擊我個女，我覆返你啦但點知你又delete自己留言」，另有不少網民私信送出慰問，Sue亦截圖指：「一切在心中」。

網民則幫口：「會越大越靚嘅，又未至於山區兒童咁誇張」、「細個唔靚先好，女大十八變」、「其實佢只係一個小朋友..點解要咁樣講嘢呢！我記得之前Jane好自卑講過覺得Kia靚啲，點解你一個大人都仲要去貶低一個小朋友呢！」、「或者Jane 並唔係你眼中『可愛美麗』嘅小朋友，但佢一定係一個有教養有禮貌嘅小朋友。佢做左啲咩要令你去攻擊一個細路仔嘅外貌」。