【學生心聲】學霸呻Band 1A學校冇想像中咁美好？同學相處冷漠老師採放養態度

By ashly.eng on 17 Aug 2023

Digital Editor

能入名校當然值得高興，但父母又是否明白孩子在學校面對的困難呢？日前有一名學霸同學就在網上發表就讀傳統名校的心得，直言「Band 1a學校冇想像中咁美好」，更細數3大槽點，比如同學相處冷漠、老師採放養態度等。不過其他網民似乎就不這樣認為，更勸事主要好好珍惜機會？

Photo from 《季前賽》劇照

學霸分享傳統名校就讀心得

日前，即將升讀中二的事主就在IG專頁「nss.secrets」發帖，透露自己一年前以優秀成績順利直升中西區某間名牌中學。即便自己小學分班試考得好而取得獎學金，然而過去一年，事主卻見識到一批過五關斬六將才獲得學校取錄的優秀生，「啲外校生好勁，好多都係小學考第一」，大開眼界之餘卻產生不少感觸。

批同學間相處冷漠

由於學校取錄的都是學霸等級的學生，可想而知同學間的競爭有多大。事主就指同學因競爭搞得關係冷漠，「讀書讀到飢餓遊戲咁，啲人自私到一個極點，完全唔肯互相幫助」。比如她有次在考試前不幸確診新冠，缺席了一整個星期的課程，復課後便嘗試向同學借筆記，結果卻沒人肯借給她，「個個藉口多多推咗我，最後我要好辛苦先追返進度」。這讓事主有些心寒，畢竟之前她也會借筆記給同學，等自己落難時卻無人肯幫手。

Photo from 《青春本我》劇照

控訴老師教學不認真

同學間競爭大之餘，事主亦發現有些老師會因他們厲害讀書而態度不友善，甚至會當面和他們說：「你哋咁勁，唔教都識啦。」她控訴有些老師態度不認真，經常在講完ppt後安排學生自由活動，揭露學生成績優秀多半是校外補習的功勞，「咁樣叫返學咩？不如學都唔好返啦」。

學習壓力大

最後一點，事主承認入讀名校雖然很自豪，但學習壓力確實很大。她舉例自己下學期中英數試卷都考取80至90多分，地理及歷史也有90多分，但都不及其他學霸，十名都不入。她也目睹其他考獲70多分的同學難過哭泣，可想而知競爭壓力有多大。經過一年的磨練，事主總結外界賦予的banding根本無法反應師資、學習風氣：「唔係 band 1a 就好，反而啲學習環境好差，壓力都好大，況且書係自己讀（當然老師栽培都重要嘅），入啲師資唔錯嘅 band 1c，band 2 學校唔係仲好咩？」

Photo from 《青春本我》劇照

網民勸往好的一面看？

對於事主的控訴，網民就覺得不能以偏概全，況且無可否認名校能夠提供優良的學習環境，讓學生贏在起跑點，反而應該好好珍惜：「個個都話band 1a 唔好，但係差唔多成個band 1 世界都係競爭大，的確要接受嘅現實」、「其實呢啲風氣反而令你進步，同埋入名校從來都唔係貪佢師資優良㗎啦」、「客觀來講，呢間學校比到你嘅係良好語境、幾乎無盡嘅資源同機會(當然要靠你自己叻去爭取)、國際視野，雖然in general band 1學校都有唔錯嘅風氣同成績，但上述幾項真係要1a/直資先會提供到，好值得珍惜」、「其實你先中一，又有分原校生同外來生，同學之間未熟都正常。我諗過多一兩年你地『同生共死』過之後一定會搵到屬於自己嘅圈子同好兄弟/姐妹」。