【職場育兒】女兒嘴甜深得老細心，真係幫到阿媽事業！因一事獲提早升職加薪！
日前，一位在職媽媽於FB專頁「奴工處」投稿，指因有急事無法接就讀幼稚園的女兒放學，老闆聽聞有關消息後，特許事主將女兒接到公司，無需請假，意外地，女兒用一句「老細你後生啲」成功「收服」老闆！（詳情見：在職家長獲准接幼稚園女兒返工 醒目女兒一句說話收服老細！）今日（11日）事主再投稿，更指因女兒令自己提早升職！
Photo from 《暖男爸爸》劇照
老細提早讓事主升職
事主提到，讀幼稚園K3的女兒升小學派到最後志願，結果未如理想，於是事主請假四出叩門，之後再回到公司，可能見到事主無心機，於是老闆召入房面見。事主原以為老闆「詐型」，怎料對方主動提及女兒升學派位一事：「我聽同事講你女派得唔係幾好、但係有私校offer，你女咁乖唔使擔心喎。係唔係擔心學費？」更表示會提早讓事主升職：「其實你好幫得手、又喺公司做咗咁耐。我一早打算年尾升你，不如咁我提早下個月升你。你就畀個女讀私校，唔使再周圍撲學校啦！」
Photo from 《愛回家之開心速遞》劇照
老細包辦女兒學費！
於是，媽媽直接讓女兒讀私校，再無請假與女兒面試，到了下一個月，事主真的升職，薪金增幅等同女兒學費，事主不由得感嘆：「估唔到個女咁深得老細歡心，連學費都搞掂埋！多謝老細！」
Photo from 《再見媽媽又再見》劇照
網民：做埋老闆個女
不少網民都紛紛留言：「個女咪即係老闆個女」、「你老闆仲請唔請人」，有人笑指想入職「要有個女先得」，亦有網民大讚老闆：「咁有心嘅老闆難求」、「好老世」、「樓主真係要好好幫公司幫老闆啊要！好老闆難得！」
但亦有人指，其實老闆正準備升事主，人工加幅亦差不多，只是順手找了一個女兒升學理由，讓事主「覺得老闆好好人」，令到同事之後要報恩。
Photo from 《金秘書為何那樣》劇照
Text：Mami Editorial
Source：奴工處
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
