【職場育兒】在職家長獲准接幼稚園女兒返工　醒目女兒一句說話收服老細！

在職父母需要返工又需要操心小朋友，難免會遇到突發情況而需要臨時請假，引起不便。這時若是遇到一位好老闆，肯定非常感激。日前有家長就在網上分享自己獲准臨時帶女兒返工，結果女兒竟然悄悄「收服」老闆，讓他哭笑不得！

Photo from 《暖男爸爸》劇照

在職家長獲准帶女兒上班

日前事主在FB專頁「奴工處」投稿，透露有一日收到家人來電，告知有急事無法接就讀幼稚園的女兒放學，事主只好臨時向老闆請假，並請求其他同事幫忙處理後續見客事宜。結果老闆透露自己不經意間聽到事主打電話，特別允許他將女兒接到公司，無需請假：

「我頭先聽到你講電話，幼稚園個女冇人接放學，你一陣出去接個女返嚟，我會安排個位佢睇卡通片，你唔請假喎！我哋呢度咁多人，你見客咪搵第二個同事陪你女。」

既然老闆發話，事主便不再堅持，即刻去接女兒。將女兒帶回公司安頓好後，事主便又馬上出發見客。

Photo from 《月刊家》劇照

老細因一事讚女兒又乖又可愛

事後回到公司，老闆見到他就開口問：「搵咗秘書買蛋糕大家食，你女食唔食得蛋糕呀？」 接著又稱：「下次記得再帶個女返嚟呀，佢好可愛又乖，唔使特登請假呀！」

事主不明所以，只覺得女兒似乎將老闆「融化」了，後來才經由同事了解自己不在時發生何事：「老世講笑問你女佢後生啲定新嚟個trainee後生啲，你女答：『老細你後生啲』，老細話小朋友講嘢最真，高興到請大家食Tea，最叻係你⋯⋯個女呀！」

Photo from 《愛回家之開心速遞》劇照

網民：日後加薪靠女兒！

事主的分享讓不少網民覺得有趣，有人分享：「同事帶個女返公司，佢個女拖住老細隻手排排坐一齊上zoom。」網民也讚事主女兒夠機智，說不定日後加薪升職有女兒一份功勞：「你嘅前途可以交比阿女，人工加幾多靠佢啦」、「呀女識講嘢～醒目女」、「人仔細細咁識Do，叻女」、「你，你個女，同老闆都值得讚！」

Photo from 《暖男爸爸》劇照

延伸閱讀：
【教養】倔強女孩超市亂推車誤撞他人後不願道歉，媽媽身教言教齊施，網民大讚

延伸閱讀：
【海外升學】台灣女星放手送5歲兒子到新加坡留學 兒用頭頂手機 童真言語惹心疼

Text：Mami Editorial

Source：奴工處@FB