港鐵小童票附例已修改 不足3歲唔洗畀車資 附加其他交通工具車票條款

港鐵入闡時，旁邊都會有一個「長頸鹿」指示，小朋友到達此高度就要付車資。其後，港鐵修改附例，要求小童超過了95cm，便要買車票。但因為有唔少家長反映，孩子只係「快高長大」，實際年齡未滿3歲，覺得唔公平，附例不合時宜，要「長得高」孩子既家長多付車資。

所以，港鐵係去年唔聲唔聲已經修例，凡所有超過95cm既小朋友，只要可以出示有效證明未滿3歲，就唔洗買車票。

標示都由「長頸鹿」變成「馬騮」。

家長們帶小朋友出街坐交通工具時，又知唔知咩情況要畀，咩情況唔洗畀車資？

新巴城巴

專營巴士公司免收四歲以下小童車資，每位成人乘客可免費攜同最多2名小童，而4至12歲兒童，可獲成人單程車資半價優惠。

九巴

同樣，巴士公司免收四歲以下小童車資，每位成人乘客可免費攜同最多2名小童，而4至12歲兒童，可獲成人單程車資半價優惠。

小巴

例法無指明兒童乘坐公共小巴可有車費豁免，但一般不佔座位的嬰孩作出車費豁免，而3歲以下兒童會唔會豁免，由司機視乎當時情況決定。

電車

香港電車則免收由成人陪同而不佔座位、三歲以下小童既車資，而每位成人乘客可免費攜同最多2名小童。

渡輪

大部份航線提供免費服務予三歲以下小童，只有小部份航線提供免費服務予一歲以下小童。

天星小輪

3歲或以上小童需付船費，每位成人乘客可免費攜同最多2名小童3歲以下、高度不超過95厘米及不佔用座位的小童乘搭。

Text: Mami Editorial

Photo Source &Source:港鐵、各大公共交通工具網站