【生仔要考牌】會唔會畀BB跟工人姐姐瞓？雙職媽不想睡眠時間湊B，卻又擔心一件事

By wing.wong on 25 Jul 2023

生BB後，不少人都會聘請傭人幫忙照顧小朋友。日前，有一位媽媽於社交平台上問：「大家會不會比BB跟工人同房唔同床瞓覺？」她指因為自己要上班，不想用睡覺時間照顧BB，又提到工人姐姐已基本上24小時照顧BB，帖文引起討論，網民更紛紛留言批評，斥責該名媽媽 :「緊張自己瞓覺多過緊張個B」。

Photo from MamiDaily

BB 24小時跟工人姐姐

日前，社群專頁「生仔要考牌系列」貼出一則帖文，當中，一位媽媽提問：「想問下大家會不會比BB跟工人同房唔同床瞓覺？」該名媽媽指自己為雙職家庭，老公要輪更，自己則做普通文職，現時BB差不多4個月大，「所有嘢都是工人做和湊」、「基本上BB 24小時都跟住工人」，同時，事主表示自己要上班，需要有足夠睡眠：「夜晚不想連睡覺時間都要起身照顧BB，睡覺對我來說真得（的）好重要啊⋯」，加上BB未戒奶，因此晚上都會讓工人姐姐與BB一起睡，事主打算之後也安排BB與傭人一同睡。

Photo from 《愛回家之開心速遞》劇照

被提醒BB會認味？

然而，家人與身邊的人提醒事主夜晚應陪BB睡，「話BB會認味，長時間跟工人將來長大就不會願意跟我，是真的嗎？」事主又提到自己平日放假會與老公外出過二人世界，剩下的時間陪BB，凌晨有時也會起床幫傭人，事主問：「請問真的有問題嗎？」

Photo from 《BB來了》劇照

網民：緊張自己多過個B

帖文引起熱議，網民紛紛批評：「成日話BB跟工人唔跟自己，又唔諗下自己付出幾多時間照顧BB」、「緊張自己瞓覺多過緊張個B…其實生嚟做咩？」；有網民提到工人姐姐：「工人姐姐好慘，瞓覺時間都要做嘢」；另有網民分享個人經歷：「其實小朋友一出世你嘅人生就已經改變，如果想唔變嘅話不如唔好生。又想要有足夠睡眠、自由生活，唔想要湊小朋友嘅辛苦同壓力，乜嘢都俾晒長輩同埋工人，對個小朋友同埋對家庭都唔好。我有工人，但兩個女，由細到大都係我陪佢哋瞓，係辛苦㗎，半夜喊，整醒你，氹瞓覺又搞到冇晒自己啲時間，但係係自己揀嘅。」