【無理要求】港媽不滿入迪士尼攝影師沒有購物折扣等，威脅事主任影3小時，網民質疑恐嚇

By wing.wong on 06 Jul 2023

迪士尼是不少家庭玩樂的好地方，更興起入園的攝影服務，以留住美好時光。近日，一名港媽因不滿攝影師未有安排清場、預先排隊、購物折扣等，威脅對方「任影三個鐘」作為賠償，否則將放上網公審。疑似攝影師把對話放上網，事件引起熱議，更有網民質疑港媽行為涉及恐嚇。

Photo from 網上圖片

指有義務找助手阻擋遊客

近日，網絡上流傳一張圖片，一名港媽以通訊工具私訊一起到迪士尼拍攝的攝影師，並列出一系列不滿事項。當中，港媽指樂園有太多人，影響到照片的質素，她認為事主「身為一個攝影師有義務要搵助手幫手阻擋其他遊客，咁樣張相先會最靚」。

Photo from MamiDaily

不滿後期未有美白

該名港媽又提到攝影師後期執相的問題，她指拍攝當日天氣炎熱，港媽不滿事主「我啲皮膚你冇幫我後期執一執，冇將我美白」。

Photo from 《Hi,Bye,Mami》劇照

「冇人排隊攞位，啲相影得幾靚都冇用」

拍攝遊樂設施方面，港媽認為未有安排妥當，指事主應找一個人幫手排隊：「冇理由剩係得旋轉木馬嘅相，過山車啲相都要有」，同時，港媽指餐廳相「影得幾靚」，但「冇人幫我哋排隊攞位」，更直言「啲相影得幾靚都冇用」。

Photo from 香港迪士尼樂園

攝影師沒有購物折扣感失望

除了拍攝安排，港媽提到攝影師入場的購物優惠令她感到失望：「我以為你係攝影師喺迪士尼樂園可以買嘢又（有）折，原來你冇㗎，令到我好失望」。

Photo from MamiDaily

威脅事主「任影三個鐘」作為賠償

該名港媽列出對事主種種不滿後，為事主提出補償方式：「不如咁啦，你唔想我投訴你，我幫你諗咗一個方法」，當中要求事主「俾我哋家族任影三個鐘」作為賠償，其次，港媽美其名「迪士尼食飯嗰啲我俾，請埋你助手」，但要求事主「要自費買迪士尼入場券」，最後更表明：「如果你唔應承嘅，我就會擺你上網，我係迪士尼投訴你！你諗諗啦！」

Photo from MamiDaily

網民質疑港媽「恐嚇」

有關照片引起討論，網民紛紛留言批評港媽「任影三個鐘」，指：「攝影師只係幫你影相，即使人哋在場內買嘢有折都唔關你事！」有人質疑港媽有關行為：「算唔算恐嚇」。另有網民質疑事件的真實性，有自稱另一組攝影師的網民指：「其實我哋係做NGO嘅義務攝影師，收$500津貼only，入園影到出園，唔包飯，要幫手帶tasks，然後1個星期要交40-50張執過嘅相，好好彩嗰日我handle嗰兩個family好nice」。更有網民很想知道攝影師如何回應港媽。