【神隊友】老爺奶奶催生仔 人妻壓力爆煲 神隊友老公一句話霸氣護妻！
相信不少夫婦結婚後，都會面臨被催生仔。一名80後、結婚近5年人妻日前於Facebook群組「我的極品四大長老」發文，指與丈夫決定不生育，但老爺奶奶卻不斷催谷，令夫婦二人壓力爆煲，最終老公一句話成功KO老爺奶奶，令人妻在帖文中高呼：「老公，我好愛你，一生一世呀！」
Photo from 《香港愛情故事》劇照
列三原因決定不生育
人妻表示，自己與先生結婚近5年，兩人都是80後，人工每人每月兩萬多，但兩人已決定不生小朋友，她指當中有三個原因：第一，人妻認為：「呢個香港我哋真係頂唔順，唔想生多一代出嚟受苦」；第二，人妻指自己身體欠佳、多病痛，不希望把身體毛病遺傳下一代；第三，該名人妻提到自己曾經懷孕11週時小產，由於在第一次懷孕時壓力太大：「我又成日喊，入咗幾次醫院，我哋其實都唔係好頂得順」，更感嘆：「幸好當時我哋決定，由有咗開始都唔同四大長老講。不幸小產，當然我們更加沒有講比佢哋知，否則真係好大鑊」。
Photo from 《產後調理院》 劇照
老爺奶奶曾想逼人妻辭職
然而，老爺奶奶等親戚不時追問兩人「幾時生BB」，令夫妻兩人感到壓力，老爺奶奶認為人妻工作太辛苦，捱壞身體，所以未能生育。更曾想逼她辭職或轉工，但人妻指，自己的工資比丈夫高：「唔係好多，但都唔少」，所以辭職「根本冇可能」，加上她上次懷孕的時候，公司已經「比我立即home Office，從來冇迫過我」，所以小產與工作無關。
Photo from 《香港愛情故事》劇照
人妻感壓力難忍
對於經常被長老迫生育，該名人妻讚老公有耐性，每次都忍到，但她「真係忍唔到，次次都覺得係我嘅問題所以生唔到」，又嘆指：「成日叫人生仔，乜嘢邏輯？有冇諗過世界已經唔同咗，點解啲人咁鍾意去管其他人嘅生活，我點樣建立一個家庭關你叉事」。
Photo from 《逃避可恥但有用》劇照
神隊友一招令老爺奶奶無聲出
日前，兩公婆再上老爺奶奶家中吃飯，老爺奶奶又再提到生仔一事，丈夫突然說：「問夠未？係你哋個仔我性無能，得未？我講咗唔生就唔生」，然後全部人陷入沉默，成功令老爺奶奶無聲出！人妻更開心表示：「我好想係度大叫：老公，我好愛你，一生一世呀！」
網民亦大讚人夫是「老公界嘅世一」、「神隊友」，又指「有個好老公，就夠，長老嘅壓力，已經唔係一回事」、「真係只有呢種老公先可以化解干戈」。不過有人提醒：「會唔會之後又逼個仔去睇中醫㗎～」、「即刻問三姑六婆壯陽配方」，以後去男家食飯時，要小心飲到流鼻血的湯湯水水。
Photo from 《BB來了》劇照
延伸閱讀：
延伸閱讀：
Text：Mami Editorial
Source：我的極品四大長老
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
