【疏忽照顧】港爸因1理由獨留幼稚園女兒在街上不顧 好心人主動送女童返學:好彩無拐子婆
小朋友天性活潑好動，對外界的事物充滿好奇。所以父母帶孩子外出時，應該要加倍注意，以免他們四處探索，不慎發生意外。不過，日前竟有一名港爸獨留讀幼稚園的女兒在街上，幸有好心人護送她到學校，才能避免釀成大錯，但該名港爸就似乎毫不內疚。
Photo from 《惡之花》劇照
拐子情況增加
日前，一名網民在社交專頁《生仔要考牌》上發文，表示自中港兩地開關後，社交平台上就開始多人關注拐子的問題 ，「我喺社交平台上睇到唔少有關拐子嘅文章，好彩最後都搵得返，但真係愈來愈多」。而事主最近更親身目睹一名父親疏忽照顧兒童，令她怒火中燒，直斥對方不負責任。
Photo from 《反起跑線聯盟》劇照
女童孤苦伶仃
事主於灣仔的香港小童群益會返工，剛好樓下就有一所幼稚園，而日前她返工途經大廈停車場時，見到有一名女童獨自站在入口前，孤苦伶仃。起初事主不以為意，直到她走近女童時，「個小妹妹突然喊得勁悽涼。我再望一望，先發覺原來得佢一個企喺度」，附近沒有任何成年人看顧。
Photo from 《嚦咕嚦咕新年財》劇照
獨留女兒不顧而去
所以事主出於擔心，決定在一旁陪伴女童。並主動了解情況，怎料小朋友的答覆卻出人意料，「爸爸車我返嚟，我落車後有兩個叔叔行埋嚟，我爸爸就揸走咗架車啦」。原來其父親為了不讓警察抄牌，竟獨留女兒在街上不顧而去。
Photo from 《浪漫速成班》劇照
先護送女童上學
雖然女童記得爸爸的電話號碼，但事主致電兩次仍無人接聽，而當日幼稚園又有活動，不可以遲到，所以事主決定先護送她上學，到時再向老師交代清楚，促請校方好好教育家長。而在等升降機的時候，女童的父親終於現身，事主則先行告退。
Photo from 《紳士和小姐》劇照
父親毫無悔意
其後事主回到辦公室，就收到女童父親回電，亦藉機會教訓了他兩句，但對方依然是嬉皮笑臉，完全不覺得自己有問題。事主認為這次只是幸運，「好彩咁啱妹妹無遇著拐子婆啫，若為咗幾百蚊而無咗個女，我睇下你呢個老豆呢世點算！」而且女童容易跟陌生人離開，父母就更加要看緊一點。
Photo from 《紳士和小姐》劇照
斥責港爸不負責任
帖文發出後，引起不少網民的留言，斥責港爸不負責任，「換轉係我可能即場報警，等個老豆俾人告疏忽照顧」、「唔好話比人捉吖，小朋友驚起上嚟行出咗小小馬路都危險啦！點解身為家長呢啲意識咁低架，真係一眼都唔可以離開架⋯」、「為唔抄牌放低個女係街都唔駛預個老豆會唔好意思或反省」、「我同個女去街一秒都唔可以離開我身邊，如果真係為唔想抄牌而咁做，真係極品！」、「而樓主呢單就直頭離譜，幼稚園真係太細個」。
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
