download MamiDaily 親子日常 app
【升小】即將升小一 沒有為女兒報興趣班 母被指懶:「學得多唔代表叻」

【升小】即將升小一 沒有為女兒報興趣班 母被指懶:「學得多唔代表叻」

mami熱話 親子新聞
By Dara on 18 May 2023
Deputy Managing Editor

本地家長「贏在起跑線」的觀念下,令不少兒童過早被催俗,小小年紀已學跳舞、畫畫、彈琴、英文、普通話等,十分繁忙。有媽媽因為沒有幫K3女兒報興趣班,被其他家長指責「太懶」,她不禁問:「依家嘅小朋友一定要學興趣班?」

有媽媽問是否幼稚園學生就要報興趣班?Photo from 《五個小孩的校長》劇照

為升小叩門作準備

事主在「香港討論區」發帖,指細女正讀K3,即將升小一,雖然事主沒有明言,估計她正在等候「大抽獎」的結果。一班家長未雨綢繆,為可能需要「叩門」準備Portfolio。「啲媽媽朋友都係度講緊要寫啲咩落portfolio度,大家都講自己嘅小朋友學緊啲咩、拎過啲咩獎項,有啲小朋友星期一到星期六都學緊唔同嘅嘢。見到啲家長好多都覺得phonics一定要學。」

事主沒有帶女兒上興趣班,被指責「懶」Photo from 《反起跑聯盟》劇照

被其他家長指懶

有家長問事主,她的女兒學習了甚麼興趣班?事主如實說:「我嘅小朋友真係冇幫佢報興趣班。」結果被其他家長指責她「唔可以咁懶」。

事主無奈說:「其實我唔係懶,只係我唔想咁細個要佢學呢樣學果樣,我唔覺得小朋友學得多嘢先代表叻,呢個時代嘅小朋友一定要上興趣班咩?」

不少學校鼓勵學生「一生一體藝」Photo from MamiDaily

一生一體藝

對於事主的提問,網民正面分享意見:「興趣班嘅原意係興趣,只不過而家啲家長(+學校),扭曲咗佢嘅原意啫」、「如果報讀國際學校的話,的確無需報興趣班」。雖然社會風氣令參與興趣班成為公式化事情,但網友覺得如果小朋友能接受、不覺太辛苦,「俾佢學多幾樣嘢都係好架」。

有人認為,「一生一體藝」對小朋友的均衡成長有好大幫助。建議「襯小朋友仲細個,功課壓力並不大嘅時候,比佢接觸多啲唔同嘅興趣班,發掘佢嘅潛能/興趣,到升上小二/三嘅時候,減少至一體一藝,一來可以幫助小朋友均衡地成長,二來,多一兩樣特異功能,對升中時,或許有幫助。」

網民覺得,父母教導的技能,也算是一種學習Photo from 《反起跑聯盟》劇照

 

如何填寫Portfolio?

有過來人教事主如何填寫Portfolio,指事主朋友安排孩子星期一至六都上興趣班,實在太多,Portfolio上「寫3樣至4樣就夠」,也毋須排滿每一天都去學習,「可填寫(1)任何一種數學班、(2)任何一種英文班、(3)任何一種動態活動班,例如溜冰或一種球類或一種武術如跆拳道或一種舞蹈,再加(4)任何一種靜態活動班,例如畫畫或音樂活動有關如樂器」。

即使事主女兒沒有報興趣班,網民指不用擔心:「唔係教你講大話,但係,寫學甚麼,無憑無據,暑假時學了一個月游泳,都可以當係學過游泳班,而寫學過游泳班都得。講真,如果父母自己識得琴棋書畫,點使出面學?甚麼班也好,如果父母識的,父母教也可以算係一種學習。」

大家的小朋友,正在上多少堂興趣班呢?

延伸閱讀:

延伸閱讀:

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道